KUERPO POLISIAL KÒRSOU

KOMUNIKADO DI PRENSA 272/2026
21 ougùstùs 2026

Tres detenshon relashoná ku asesinato Zegu

KUERPO POLISIAL KÒRSOU

SIRBI I PROTEHÁ
Djabièrnè 21 di ougùstùs 2026, e tim di reshèrshi ku ta investigando e kaso
di asesinato ku dia 6 di yüli último a tuma lugá na Zegu, den koperashon ku
Tim di Aresto di Kuerpo Polisial a realisá tres (3) detenshon importante.
Den oranan di atardi e personal di reshèrshi a bai Saonaweg i ei alrededor
di 18.30’or a detené tres hòmber sospechá di a kometé e asesinato i/o ta
komplise na esaki.
Ta trata di e sospechosonan:
➢ D.A.S.F. di 18 aña di edat;
➢ R.A.N. di 34 aña di edat;
➢ H.G.C. di 28 aña di edat, tur tres ta nasé na Kòrsou.
Polis a topa un arma di kandela tambe ku a keda konfiská.
A presentá e trio dilanti di un fiskal ouksiliar, ku a ordená su enkarselamentu
pendiente di mas investigashon.