KUERPO POLISIAL KÒRSOU 

KOMUNIKADO DI PRENSA

282/2026

1 sèptèmber 2026 

Detenshon pa ladronisia den kas 

Djaluna 31 di ougùstùs 2026 alrededor di 22.34’or, Sentral di Polis a risibí  informashon ku tabatin un kiebro ta tumando luga na un kas den Caracas. Na yegada di e unidat den e bario enkestion, e no a topa ku e sospechoso. Mesora e unidat a start un búskeda den e área i a bin topa ku un hòmber  sospechoso i a hasi detenshon. 

Ta trata di e hòmber D.P. di 22 aña di edat nasé na Kòrsou. 

Durante di su detenshon a hañ’é ku artíkulonan ku ta prosedente di e  ladronisia riba menshoná, i a konfiská esakinan. 

A presentá e sospechoso dilanti di un fiskal ouksiliar ku a ordená su  enkarselamentu pendiente di mas investigashon.