Invitashon pa anochi informativo tokante proyekto di infrastruktura na Sapaté
Tráfiko, Transporte i Planifikashon Urbano
Invitashon pa anochi informativo tokante proyekto di infrastruktura na Sapaté
Publiká riba 04 Sèptèmber 2026
Willemstad – Gobièrnu di Kòrsou ta invitá habitantenan di Sapaté kordialmente pa asistí na un anochi informativo tokante e proyekto pa mehorá infrastruktura den bario di Sapaté.
E proyekto aki ta wòrdu realisá pa Gobièrnu di Kòrsou, den kolaborashon ku Fundashon Kas Popular (FKP), i ta wòrdu finansiá ku fondo di European Development Fund (EDF) di Union Oropeo (EU).
Durante e anochi informativo, habitantenan lo risibí mas informashon tokante e trabounan ku ta planifiká, e periodo di ehekushon, kon e trabounan lo wòrdu realisá i e posibel efektonan ku nan por tin riba e bario.
Servisio pa Obra Públiko i Fundashon Kas Popular (FKP) lo supervisá e proyekto. E kontratista enkargá ku ehekushon di e trabounan ta Curaçaose Wegenbouw Maatschappij N.V. (CWM).
Fecha: Djaweps 10 di sèptèmber 2026
Ora: 18:00 pa 20:00
Lugá: Sentro Komunitario Sapaté i Besindario (Buurtcentrum Sapaté)
Adrès: Kaya Isaias S. Pimentel number 58H
Nos ta apresiá hopi presensia i envolvimentu di habitantenan. Tur habitante ta bon biní pa asistí na e anochi informativo, risibí mas informashon i hasi kualke pregunta relashoná ku e proyekto.
