KUERPO POLISIAL KÒRSOU 

KOMUNIKADO DI PRENSA

291/2026

8 sèptèmber 2026 RIPITISHON 

TA BUSKA TESTIGU DI KASO TIRAMENTU F.D. ROOSEVELTWEG 

Djadumingu 14 di yüni 2026, entre 17.30’or i 18.00’or, a tuma lugá un  insidente serio ku arma di kandela riba e lugá di stashoná outo di un botika  situá riba F.D. Rooseveltweg. 

Dos sospechoso maskulino, ámbos armá ku arma di kandela, a lòs vários  tiro den direkshon di un grupo di kuater persona. A base di e investigashon  te ku awor, tin sospecho ku e duo aki tabatin e intenshon di kita bida di un  òf mas persona den e grupo. 

Afortunadamentu ningun persona a keda gravemente heridá durante di e  insidente. 

Despues di nan akto, e dos sospechosonan a hui for di e sitio den un Kia  Rio koló shinishi ku glas skur, probablemente di fabrikashon 2022–2024. Polis ta hasi un yamada na komunidat pa yuda ku informashon ku por  kontribuí na solushon di e kaso. 

Polis ta buska spesífikamente personanan ku: 

• a mira òf tende algu dia 14 di yüni 2026, entre 17.30’or i 18.00’or,  den besindario di F.D. Rooseveltweg; 
• a presensia e tiroteo; 
• tin informashon tokante di e dos sospechosonan maskulino; • tin informashon tokante di e Kia Rio koló shinishi ku a wòrdu usá; • a mira e vehíkulo promé òf despues di e insidente; 
• tin grabashon di kámara, potrèt òf video riba kua e  

sospechosonan, e vehíkulo òf otro informashon importante ta  visibel. 

Si bo ta disponé di informashon tuma kontakto ku polis na 917 òf 108.