Na 2026, el a tuma luga dia 12 di september. E dia aki ta un recordatorio cu e prome minuutnan despues di un accidente of un emergencia di salud ta crucial, y cu e prome persona cu ta na e sitio por haci e diferencia entre bida y morto.

Den un situacion di emergencia, nos no por keda warda solamante riba e personal di ambulans of dokter.
E prome asistencia cu bo ta brinda den e prome momentonan di mas critico ta stipula e rumbo di e recuperacion di un persona.

Por ehempel:

• Sa con pa stop un sangramento severo;
• Kico pa haci ora un persona ta choca;
• Con pa aplica CPR (resusitacion cardiopulmonar).

Tur esakinan ta conocemento basico cu tur hende mester tin.

Un kit di prome auxilio na cas ta esencial:

Tene un kit di prome auxilio completo y facil pa alcansa na cas ta un responsabilidad di tur famia

Un bon kit mester contene:

• Band-Aid di diferente tamaño y gasa steril;
• Tape pa verband y sker;
• Desinfectante (manera alcohol of povidone-iodine);
• Handschoen di latex of nitrile;
• Zalf pa kemadura leve y pilder pa dolor.

Conocemento ta poder, accion ta salba bida 

Mas cu simplemente tene un kit, ta fundamental pa tur miembro di famia sa e informacion basico, con pa uza nan y con pa reacciona cu calma ora un situacion di salud rekeri esaki.

Siña e basico di prome auxilio ta un inversion den e siguridad di bo sernan keri y di bo comunidad.

Bo no mester ta un dokter ni un nurse pa haci un impacto grandi.

Cu un tiki conocemento, e kit adecua na cas, y e curashi pa actua, cada persona por ta un heroe y por salba un bida.

Pa keda semper informa:

• Like Facebook page Directie Volksgezondheid DVG Aruba
• Follow Instagram directie_volksgezondheid_aruba
• Check Aruba Health App
• Bishita www.dvg.aw
• Yama na 5224200
• Mail na servicio@dvg.aw
• Check WhatsApp Channel
• Join WhatsApp Communities