KUERPO POLISIAL KÒRSOU 

KOMUNIKADO DI PRENSA

301/2026

15 sèptèmber 2026 

Kabritu konfiská 

Djamars 15 di sèptèmber 2026, polis a risibí informashon ku riba un tereno na Fuik,  tin algun kabritu hortá. 

Mesora e tim ku últimamente ta enkargá ku ladronisia di kabritu i benta ilegal di  karni di kabritu, a drenta akshon i a bai na e adrès na Weg naar Fuik. 

Riba e tereno enkestion polis a konfiská un total di ocho (8) kabritu di rasa. Te na e momentunan aki no tin detenshon den e kaso pero e investigashon ta  kontinuá pa pone man riba e malechornan. 

Polis ta gradisí komunidat pa e informashon duná i ta sigui spièrta tur siudadano pa  no kumpra kabritu di kua tin sospecho ku e ta prosedente di ladronisia. 

Si kualke siudadano ta disponé di informashon ku tin di haber ku ladronisia di  kabritu, benta ilegal di kabritu òf su karni, fabor di tuma kontakto ku polis na 917,  6740054 of e liña anónimo 108.