No bula drone durante weganan di futbòl
Tráfiko, Transporte i Planifikashon Urbano
No bula drone durante weganan di futbòl
Publiká riba 25 Sèptèmber 2026
Willemstad – Pa no pone seguridat di aktividatnan di e eventonan mes i e públiko presente na peliger, ta pidi usuarionan di drone pa no bula drone den Stadion Ergilio Hato (SDK Brievengat).
Esaki spesífikamente durante partidonan di futbòl entre e selekshonnan nashonal i internashonal riba fechanan 26, 27, 30 di sèptèmber i 1 di òktober 2026. E petishon ta pa no bula dia 26 i 30 di sèptèmber ta entre 6.00PM i 7.00PM. Dia 27 di sèptèmber no por bula ku drone entre 6.00PM i 11.00PM, i dia 1 di òktober entre 4.00PM i 8.00PM.
Motibu di e medida aki ta pa garantisá seguridat di tur persona ku lo bishitá e aktividatnan aki. Tambe pa protekshon di e atletanan di e weganan di futbòl entre selekshon nashonal di Kòrsou i Nicaragua, k e wega entre Kòrsou i Trinidad/Tobago.
Debí na partisipashon grandi ku ta spera durante e aktividatnan aki, tin peliger ku si un drone daña pa kualke motibu i kai den stadion, esaki por perhudiká hende seriamente i kousa daño na ekipo.
