Awe mainta Minister Charles Cooper huntu ku Marco Hoogendoorn di Holland Shipyards Group i Curaçao Ports Authority ta marka un momento importante den modernisashon di Brùg Emma.

E sistema elektriko a ser kompletamente renobá, inkluyendo aproximadamente 4 km di kabel nobo, ku ta suministrá energia na e sistema nobo di propulshon di e brùg, kamaranan, baranan di seguridat i iluminashon. E lusnan di kaya riba e brùg, lusnan di navegashon i otro iluminashon tambe a ser modernisá ku teknologia LED.

Un ponton nobo a ser konstruí pa instalá e sistema nobo di propulshon elektriko, remplasando e motornan ku tabata den uso for di 1987, kasi 40 aña.

Ademas, komponentenan mekaniko importante na tantu banda di Punda komo Otrobanda a ser inspeshoná, renová i modernisá pa kontribuí na un funshonamentu konfiabel di e brùg.

Un paso importante den preservashon i modernisashon di un di e brùg nan di mas rekonosi mas di Kòrsou.