Un grupo di ‘puppy’ por parce algo bunita, pero cada ‘puppy’ mester tin un hogar sigur, cuminda, vacuna, cuido veterinario y un persona cu lo tuma responsabilidad durante henter su bida p’e. Ora no tin e garantia ey, reproduccion por termina den mas abandono y sufrimento.

Sterilisa of castra un mascota ta un forma efectivo pa preveni grupo no desea. Mester discuti e decision cu un veterinario, cu por evalua salud, edad y necesidad di e animal y duna conseho profesional.

Hondenverordening no ta establece un obligacion general pa sterilisa tur cacho. Sinembargo, e ley ta exigi control y cuido adecuado. Preveni reproduccion no planifica ta un paso responsabel cu ta contribui directamente na reduccion di animalnan riba caya.

Si un persona scoge pa rasa cu su cacho, e mester pensa mas leu cu e momento di nacemento:

• Ken lo cuida cada ‘puppy’?
• Tin hogar sigur pa nan?
• Nan lo haya cuido veterinario?
• Kico lo pasa si no por haya pa nan tur un hogar nobo cu doño responsabel?

No laga e consecuencia pa fundacion, boluntarionan, Centro di Control di Cacho of e futuro Centro di Rescate y Control. E solucion mas humano ta preveni e sufrimento prome cu e cuminsa.

Pa un comunidad harmonioso, un doño di mascota responsabel alabes!

Conexion cu Hondenverordening: deber general di cuido y control, articulonan 2 y 3. Sterilisacion general ta un recomendacion di maneho responsabel, no un obligacion general declara den e ley.

Sea bo tambe un doño di mascota responsabel. Cada acto di responsabilidad ta salba un bida.

Planta amor, proteha nan bienestar y hunto nos por logra un Aruba sin animalnan bandona.

Pa keda semper informa:

• Like Facebook page Directie Volksgezondheid DVG Aruba
• Follow Instagram directie_volksgezondheid_aruba
• Check Aruba Health App
• Bishita www.dvg.aw
• Yama na 5224200
• Mail na servicio@dvg.aw
• Check WhatsApp Channel
• Join WhatsApp Communities.