Lansamentu di buki Echoes of Africa siguí pa seri di charla interaktivo riba spiritualidat afro-krioyo / Boeklancering Echoes of Africa gevolgd door reeks interactieve lezingen over Afro-Creoolse spiritualiteit

Lansamentu di buki Echoes of Africa siguí pa seri di charla interaktivo riba spiritualidat afro-krioyo

Djaweps 8 di òktober último a tuma lugá na Kòrsou lansamentu ofisial di e buki ‘Echoes of Africa: Afro-Creole Belief Systems of Curaçao, Bonaire and Aruba’, skirbí pa eskritor i investigadó Bob Harms. E lansamentu, ta marka final di un proseso di investigashon ku a kuminsá for di 2003 i ku durante mas di dos dékada a enfoká riba sobrebibensia, transformashon i kontinuidat di kreensia i práktikanan spiritual di orígen Afrikano na Kòrsou, Boneiru i Aruba.

Pa promové i konsientisá tokante e temanan den e publikashon, Fundashon Nashonal pa Maneho di Memoria Arkeológiko i Antropológiko (Fundashon NAAM) i Fundashon Karibe ta organisá un seri de charla interaktivo pa públiko. E charlanan interaktivo lo tuma lugá djaweps 15, djabièrnè 16 i djasabra 17 di òktober 2026 i lo duna partisipantenan oportunidat pa profundisá den algun di e temanan sentral di e buki.

E buki a bira realidat danki na sosten finansiero di Komité di Konmemorashon Pasado di Sklabitut i sosten tékniko di Universidat di Aruba. E sosten aki a hasi posibel pa amplia i profundisá e investigashon i pa reuní den un solo publikashon un kantidat grandi di fuente históriko, konosementu oral i material relashoná ku e herensia spiritual afro-krioyo di e tres islanan.

Den Echoes of Africa, Harms ta eksplorá kon kreensia, ritualnan, forma di kurashon, sabiduria oral i otro ekspreshonnan spiritual a keda bibu den e realidat karibense, apesar di sklabitut, kolonialismo i kambionan sosial. E buki ta duna atenshon na entre otro, kurandería, uso di yerba, sigá, wakmentu di karta, montamentu, ritualnan relashoná ku morto i luto, protekshon spiritual i katolisismo popular. A base di investigashon históriko, fuentenan skirbí i konosementu oral, e outor ta pone e práktikanan aki den un kuadro mas amplio di spiritualidat afro-krioyo na nos islanan.

E promé masterclass, dia 15 di òktober, lo trata e tema “Spiritualidat Afro-Krioyo: kiko e ta i kiko e no ta”. Dia 16 lo sigui ku “Kurioso, kurandero i kurandera: wesu di lomba di formanan afro-krioyo di kurashon i sanashon”, mientras ku e seri lo klousurá dia 17 di òktober ku “Ekspreshonnan kontemporáneo di spiritualidat afro-krioyo”. 

Bob Harms lo guia e seshonnan huntu ku otro konosedónan di e materia, ku énfasis riba interakshon, interkambio di konosementu i diálogo ku e partisipantenan.

Ku publikashon di Echoes of Africa, Harms ke kontribuí na un mihó komprendementu di un parti di nos herensia ku durante hopi tempu a keda poko dokumentá òf ku hende a mira prinsipalmente for di un perspektiva eksterno. E buki ta buska di pone eksperensia i konosementu lokal sentral, i alabes mustra ku spiritualidat afro-krioyo no ta solamente algu di pasado, sino un tradishon ku a kambia, adaptá i ku ainda tin ekspreshonnan den bida kontemporáneo.

Despues di e lansamentu, Echoes of Africa: Afro-Creole Belief Systems of Curaçao, Bonaire and Aruba lo ta optenibel na Fundashon NAAM.

---

 

 

Boeklancering Echoes of Africa gevolgd door reeks interactieve lezingen over Afro-Creoolse spiritualiteit

Op donderdag 8 oktober heeft op Curaçao de officiële lancering van het boek Echoes of Africa: Afro-Creole Belief Systems of Curaçao, Bonaire and Aruba, geschreven door auteur en onderzoeker Bob Harms plaats gevonden. De lancering markeert de afronding van een onderzoeksproces dat in 2003 begon en zich gedurende meer dan twee decennia heeft gericht op het voortbestaan, de transformatie en de continuïteit van geloofsovertuigingen en spirituele praktijken van Afrikaanse oorsprong op Curaçao, Bonaire en Aruba.

Om bewustwording te verbreden en meer publiciteit voor de publicatie, wordt een serie interactieve lezingen georganiseerd door Stichting Nationaal Archeologisch en Antropologisch  Memoriebeheer  (Stichting NAAM) en Fundashon Karibe. De interactieve lezingen vinden plaats op donderdag 15, vrijdag 16 en zaterdag 17 oktober 2026 en bieden deelnemers de gelegenheid zich verder te verdiepen in enkele centrale thema’s uit het boek.

Het boek is tot stand gekomen dankzij financiële steun van het Herdenkingscomité Slavernijverleden en technische ondersteuning van de Universiteit van Aruba. Deze steun maakte het mogelijk het onderzoek uit te breiden en te verdiepen en een grote hoeveelheid historische bronnen, mondeling overgedragen kennis en materiaal over het Afro-Creoolse spirituele erfgoed van de drie eilanden in één publicatie bijeen te brengen.

In Echoes of Africa onderzoekt Harms hoe geloofsovertuigingen, rituelen, geneeswijzen, mondelinge kennis en andere spirituele uitingsvormen binnen de Caribische samenleving zijn blijven voortbestaan, ondanks slavernij, kolonialisme en maatschappelijke veranderingen. Het boek besteedt onder meer aandacht aan traditionele geneespraktijken, het gebruik van kruiden, sigaren, kaartleggen, spirituele bezetenheid, rituelen rondom de dood en rouw, spirituele bescherming en volkskatholicisme. Op basis van historisch onderzoek, geschreven bronnen en mondeling overgedragen kennis plaatst de auteur deze praktijken binnen de bredere context van de Afro-Creoolse spiritualiteit op onze eilanden.

De eerste interactieve lezing, op 15 oktober, behandelt het thema ‘Afro-Creoolse spiritualiteit: wat het wel en niet is’. Op 16 oktober volgt ‘Kurioso, kurandero en kurandera: de ruggengraat van Afro-Creoolse geneeswijzen en helingspraktijken’. De reeks wordt op 17 oktober afgesloten met ‘Hedendaagse uitingsvormen van Afro-Creoolse spiritualiteit’. 

Bob Harms begeleidt de sessies samen met andere deskundigen op dit gebied, waarbij de nadruk ligt op interactie, kennisuitwisseling en dialoog met de deelnemers.

Met de publicatie van Echoes of Africa wil Harms bijdragen aan een beter begrip van een deel van ons erfgoed dat lange tijd nauwelijks werd gedocumenteerd of voornamelijk vanuit een extern perspectief werd bekeken. Het boek stelt lokale ervaringen en kennis centraal en laat tegelijkertijd zien dat Afro-Creoolse spiritualiteit niet alleen tot het verleden behoort, maar een traditie is die zich heeft ontwikkeld en aangepast en die nog altijd zichtbaar is in het hedendaagse leven.

Na de lancering zal Echoes of Africa: Afro-Creole Belief Systems of Curaçao, Bonaire and Aruba verkrijgbaar zijn bij Stichting NAAM.