KUERPO POLISIAL KÒRSOU 

KOMUNIKADO DI PRENSA

348/2026

9 òktober 2026 

Tres detenshon relashoná ku atrako i ladronisia 

Kontinuando ku investigashon den un kaso di atrako ku a tuma lugá dia 23 di yüli 2026 den área di Kaya Lando, e Tim di Atrako a hasi detenshon. Djaweps 8 di òktober 2026 alrededor di 21.30’or, durante di un kontròl riba  Schout bij Nacht Doormanweg, e tim di atrako a hasi detenshon di e  hòmber A.A.O. di 33 aña di edat nasé na Kòrsou, relashoná ku e kaso  ariba menshoná. 

Durante di e kontròl den baul di su vehíkulo, polis a topa ku algun artíkulo  ku ta prosedente di ladronisia. 

Mesora a hasi detenshon di e dos otro okupantenan ku tambe tabata den e  vehíkulo i a atmití ku e artíkulonan ta prosedente di ladronisia. 

Enkonekshon ku esaki a konfiská e artíkulonan i a hasi detenshon di e  hòmbernan D.I.H. i G.G.S. di respektivamente 43 i 26 aña di edat,  ámbos nasé na Kòrsou. 

A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.