Parlamentonan di Aruba, Kòrsou i Sint Maarten a deliberá riba diferente tópiko durante reunion Tripartit na Kòrsou.

Parlamentonan di Aruba, Kòrsou i Sint Maarten a deliberá riba diferente tópiko durante reunion Tripartit na Kòrsou.

 

WILLEMSTAD, Djaweps, 15 di òktober 2026, Parlamento di Kòrsou a fungi komo anfitrion pa e reunion Tripartit entre e delegashonnan di Parlamentonan di Aruba, Kòrsou i Sint Maarten.

 

Despues di e apertura ofisial di e reunion, a kuminsá ku e repaso di e palabrashonnan ku a e keda hasí den e Tripartit anterior.

 

A sigui ku e presentashon di e Petit Comité Geschillenregeling, ku a duna un resumen di e progreso di su trabou relashoná ku e areglo di diferensianan (Geschillenregeling).

 

Pa kada Tripartit ta determiná e temanan adelantá ku lo trata durante e reunionnan, pues tambe pa e reunion di awe. E siguiente punto riba agènda tabata deliberashon riba diferente proposishon di Leinan di Reino, komo ehempel pa enfatisa kon Hulanda ta inisiá prosesonan ku ta toka e paisnan Aruba, Kòrsou i Sint Maarten sin konsulta previo ku e paisnan aki. Riba esaki e delegashonnan a yega na palabrashon konkreto. 

 

Ademas, e delegashonnan a informá otro di nan posishon komo pais pa loke ta trata posibel  prolongashon di e Areglonan Mutuo den forma di Landspakket i e esfuersonan ku Parlamentonan i Gobiernunan ta hasi riba e tema di pasado di sklabitut.  

 

E reunion a brinda e delegashonnan parlamentario e oportunidat pa interkambiá di opinion riba e tópikonan menshoná i pa deliberá riba asuntunan relevante pa e koperashon entre e paisnan di Karibe den Reino Hulandes.

 

E reunion Tripartit a tuma lugá tras di porta será i no tabata habrí pa públiko ni prensa. E siguiente reunion Tripartit lo ta dia 12 di yanuari proksimo na Sint Maarten