Komishon Sentral a deliberá ku Promé Minister relashoná ku ehekushon, retraso i e evaluashon di e paketenan di Pais (Landspaketten).

Djaweps 22 di òktober 2026, Parlamento di Kòrsou a reuní den un Reunion di Komishon Sentral pa trata e punto di agènda: “Deliberashon ku Promé Minister alabes Minister di Asuntunan General enkuanto ehekushon, retraso i e evaluashon di e “Onderlinge Regeling Samenwerking bij Hervormingen (Landspakket)”.

Na komienso di e reunion, Presidente di Parlamento sr. Fergino Brownbill, a duna Promé Minister sr. Gilmar Pisas, e oportunidat pa duna un introdukshon, siguí pa un presentashon di sr. Caryl Monte, tokante e tópiko.

Seguidamente miembronan di Parlamento a haña e oportunidat pa hasi pregunta na Promé Minister sr. Pisas.

Despues di e preguntanan, Promé Minister Gilmar Pisas, a pidi un siman di tempu pa por prepará i formulá su kontestanan riba e preguntanan ku Miembronan di Parlamento a hasi den e promé tanda.

Na final, Presidente di Parlamento, sr. Fergino Brownbill, a skòrs e reunion te ku próksimo aviso.