KUERPO POLISIAL KÒRSOU 

KOMUNIKADO DI PRENSA

370/2026 

26 òktober 2026 

Detenshon pa maltrato ku arma 

Djadumingu 25 di òktober 2026 alrededor di 18.05’or, Sentral di Polis a  dirigi un unidat polisial pa un adrès na Wishi, pa un hòmber ku a wòrdu di  kap den su kara. 

Na yegada di e unidat, e víktima ya tabata wòrdu tratá pa personal di  ambulans. E tabatin un kap grandi na e parti drechi di su kara i tambe na  su garganta. 

For di deklarashon di e víktima a sali na kla ku e tabata sintá riba un stul  pafó di su kurá. 

Dado momentu e sospechoso, un hòmber ku kabei di rasta a kana yega  serka e víktima, saka un machete i kuminsá zuai esaki den direkshon di e  víktima. 

E hòmber a trata di defendé su mes ku e stul riba kua e tabata sintá, pero  no a logra. 

Na momentu ku el a kai abou, el a wòrdu maltratá pa e hòmber rasta. Djis un ratu despues na un adrès na Seru Pretu bij Wishi, polis a detené e  hòmber E.D.A.M. di 30 aña di edat nasé na Kòrsou pa maltrato ku arma. A presentá e sospechoso dilanti di un fiskal ouksiliar ku a ordená su  enkarselamentu pendiente di mas investigashon.