KUERPO POLISIAL KÒRSOU 

KOMUNIKADO DI PRENSA

376/2026

28 òktober 2026 

Akshon multidisiplinario Punda i Otrobanda 

Djamars 27 di òktober 2026, a tuma lugá un akshon multidisiplinario den área di Punda  i Otrobanda. 

E akshon aki tabata dirigí riba personanan ku ta bende merkansia den e zona aki,  transporte públiko, kontròl di tráfiko i benta di droga. 

Na e akshon aki a tuma parti San Marco Hotel, Curacao Ports Authority, Fundashon  Marshe, Inspekshon di MEO, VVRP, Douane, Politur, Ministerio Públiko, KPC i CTB. 

E akshon tabatin un karakter: 

Preventivo: esta visibilidat, supervishon i duna informashon; 

Represivo: tuma medida kontra di esnan ku ta violá lei; 

Protekshon: seguridat di pasaheronan i aktua kontra konkurensia inhustu. 

Fundashon Marshe reforsá pa UBW, MEO i VVRP durante di nan kontròl, a enkontrá diferente omishon manera e.o. permítnan ku no tabata na òrdu. 

Tambe banda di e diferente stèntnan tabatin ophetonan poné ku tabata stroba pasashi  di personanan na pia. 

A topa personanan ku tabata duna servisio komersial na turistanan sin ku nan tabatin e  permít nesesario pa hasi esaki. 

Tabatin komersiantenan stashoná na sitionan ku no tabata permití. 

A atendé ku nan tambe riba esaki. 

Di parti di Kuerpo Polisial Kòrsou, a kontrolá dokumentunan i kantidat di pasaheronan  ku ta wòrdu permití pa transportá den e vehíkulonan. 

E kontròlnan aki ta kontinuá.