Talentonan lokal ta invitá pa partisipá den workshopnan di skirbi i ilustrá pa e Buki di Oro Willemstad

Willemstad – Dia 3, 4, 7 i 8 di desèmber 2026 lo tin dos workshop pa habitantenan di Kòrsou ku ke desaroyá nan talento pa skirbi òf ilustrá buki pa mucha. Kada workshop ta konsistí di kuater seshon. Partisipantenan ta haña e oportunidat pa sigui desaroyá nan talento bou di guia di un outor i un ilustradó hulandes di renombre. Alabes, nan ta prepará nan mes pa entregá un propuesta pa e Buki di Oro (Gouden Boekje) tokante Willemstad históriko. E buki lo sali na 2027 komo e último tomo di un seri tokante e patrimonio mundial di UNESCO den Reino Hulandes. Ta organisá e workshopnan den kolaborashon ku kas editorial Rubinstein, Ministerio di Tráfiko, Transporte i Planifikashon Urbano (VVRP) i Stichting Monumentenzorg Curaçao.

Invertí den talento lokal

E workshopnan ta enfoká riba skirbi i ilustrá buki pa mucha, un área den kua no solamente kreatividat, sino tambe konosementu i abilidatnan spesífiko ta hunga un ròl importante. Partisipantenan ta siña kon pa kreá un kuenta òf un konsepto pa ilustrashon ku ta pas ku e manera ku muchanan ta mira i eksperensiá mundu. Tambe nan ta risibí konseho i sugerensianan konkreto pa mehorá nan trabou.

“Nos patrimonio no ta konsistí solamente di edifisio, sino tambe di e kuentanan ku ta pertenesé na nan. Ta p’esei mes nos ta haña importante ku eskritor i ilustradónan di Kòrsou ta haña e oportunidat pa nan mes konta i ilustrá e historia di Willemstad. Nos tin hopi talento lokal riba nos isla. Ku e workshopnan aki nos ke duna talentonan lokal un plataforma pa mustra nan trabou, sigui desaroyá nan talento i establesé kontaktonan nobo. Sea ku nan trabou ta wòrdu publiká den e Buki di Oro òf nò, e eksperensia ku nan ta adkirí lo yuda nan den nan futuro proyektonan”, segun Maghalie van der Bunt-George, direktora di Stichting Monumentenzorg Curaçao.

Ademas, e workshopnan ta prepará partisipantenan pa traha i entregá nan propio propuesta pa e Buki di Oro Willemstad. Despues di e workshopnan, nan por entregá nan propuesta. Di tur e propuestanan risibí, lo selektá tres pa teksto i tres pa ilustrashon. E seis propuestanan finalista aki lo wòrdu presentá na kas editorial Rubinstein, ku lo hasi e selekshon final di e outor i e ilustradó di e buki.

E outor i e ilustradó ku  wòrdu selektá ta haña e oportunidat pa publiká nan trabou di manera profeshonal. Nan lo hasi e akuerdonan tokante e enkargo, publikashon i pago, inkluyendo regalía, direktamente ku kas editorial Rubinstein.

Siña di kreadónan di buki pa mucha ku a gana premio

Jan Paul Schutten ta enkargá ku e workshop di skirbimentu. El a gana e Gouden Griffel dos biaha, un di e premionan mas importante den literatura infantil na Hulanda. Schutten sa kon pa presentá temanan kompleho, manera historia i siensia, di un forma kla i interesante pa muchanan. Na 2008, el a gana su promé Gouden Griffel ku su buki ‘Kinderen van Amsterdam’, ku ta trese e historia di e siudat na bida pa medio di kuentanan tokante muchanan.

Sanne te Loo ta enkargá ku e workshop di ilustrashon. E ta ilustradó i outor di buki pa mucha i a ilustrá desenas di buki. Pa su buki di prenchi ‘Dit is voor jou’, el a risibí un Zilveren Penseel. Su ilustrashonnan ta konta nan propio kuenta, den kua ambiente, personahenan i detayenan ta forma un totalidad.

Tur dos guia di e workshopnan a traha anteriormente ku kas editorial Rubinstein riba Bukinan di Oro. Esaki ta duna partisipantenan e oportunidat pa siña direktamente di profeshonalnan ku tin amplio eksperensia den e mundu di buki pa mucha i ku ta konosé e rekisitonan spesífiko di e serie aki.

Un Buki di Oro pa Willemstad

E Bukinan di Oro a aparesé pa promé biaha na Merka na aña 1942. Desde e tempu ei, nan a bira un seri di buki pa mucha konosí rònt mundu. Nan lomba kolor di oro ta hasi nan fásil pa rekonosé. E bukinan ta kombiná kuentanan fásil pa komprondé ku ilustrashonnan kolorido. Na Hulanda, kas editorial Rubinstein ta publiká e serie desde 2001.

Den kolaborashon ku Stichting Werelderfgoed Nederland, Rubinstein ta desaroyá un seri spesial di Gouden Boekjes tokante e diestrés lugánan di patrimonio mundial di UNESCO den Reino Hulandes. Na 2027 e último kuater tomonan lo sali, entre nan e Gouden Boekje tokante Willemstad, ku lo sera e seri.

Nos sentro históriko di Willemstad ta riba e Lista di Patrimonio Mundial di UNESCO desde aña 1997. E arkitektura karakterístiko di Willemstad i e kuentanan tras di su edifisionan i kayanan ta un fuente di inspirashon pa un buki pa mucha. Dor di envolví eskritornan i ilustradónan lokal, e inisiadónan ke krea un kuenta ku ta konektá ku e bida di muchanan na Kòrsou i ta stimulá nan pa wak nan propio ambiente históriko ku un perspektiva nobo.

E buki mester no solamente yuda muchanan konosé e patrimonio arkitektóniko, sino tambe stimulá nan apresio i orguyo pa esaki, pa asina kontribuí na su konservashon pa generashonnan futuro. E buki lo wòrdu publiká na Papiamentu, hulandes i ingles, huntu ku material didáktiko pa uso den enseñansa.

Willemstad Patrimonio Mundial

Ministerio di Tráfiko, Transporte i Planifikashon Urbano (VVRP), komo “siteholder”, ta responsabel pa Willemstad komo patrimonio mundial di UNESCO. Pa Stichting Monumentenzorg Curaçao, ta importante pa mas hende konosé i apresiá e patrimonio arkitektóniko. Esaki ta forma parti di su metanan estatutario. P’esei, ademas di konservá i restorá monumentonan, e fundashon ta dediká su mes tambe na konsientisashon, edukashon i investigashon.

E Buki di Oro ta duna kontinuashon na inisiativanan anterior pa hasi e kuentanan tras di e monumentonan di Willemstad konosí serka un públiko mas grandi. Ehempelnan ta e buki digital pa mucha ‘Kucho den hanchinan di Otrobanda’, ku a gana premio, e Architectural Walking Guides i e proyekto di kódigonan QR riba edifisionan monumental, ku ta duna públiko akseso na nan historia. Monumentenzorg i VVRP a traha huntu anteriormente den vários di e proyektonan aki.

Aksesibel pa tur, ku kompromiso di partisipá

Partisipashon na e workshopnan ta aksesibel pa tur habitante di Kòrsou ku ke sigui desaroyá nan abilidatnan di skirbi òf ilustrá. Partisipashon ta eksigí dedikashon i un aktitut aktivo. Ta konta riba e kompromiso di partisipantenan pa asistí na tur kuater seshon, kontribuí aktivamente i kompletá e tareanan pafó di e seshonnan.

E kantidat di lugá ta limitá. Interesadonan por inskribí te ku dia 12 di novèmber 2026 via http://www.monumentenzorg.cw/gouden_boekje_willemstad/. Selekshon ta tuma lugá a base di motivashon i e trabou di skirbimentu òf ilustrashon ku nan a entregá.

E workshopnan lo wordu organisá dia 3, 4, 7 i 8 di desèmber 2026 na YouMeet Curaçao, situá na Bargestraat 52–53 na Scharloo. Kada seshon ta di 16.00 pa 20.30 or. Komo ku e dos workshopnan ta tuma lugá simultáneamente, interesadonan por inskribí pa un di nan so.

Pa mas informashon:
Juliëtte Buddingh’
Gerente Komersial  di Stichting Monumentenzorg Curaçao
E. jbuddingh@monumentenzorg.cw
http://www.monumentenzorg.cw/gouden_boekje_willemstad

 

---

 

 

 Lokaal schrijftalent en illustratoren gezocht voor workshops Gouden Boekje Willemstad

Willemstad – Op 3, 4, 7 en 8 december vinden twee vierdaagse workshops plaats voor aspirant-kinderboekenschrijvers en -illustratoren op Curaçao. Onder begeleiding van bekroonde Nederlandse kinderboekenmakers krijgen deelnemers de kans hun talent verder te ontwikkelen en – voor diegenen die dat wensen – zich voor te bereiden op het indienen van een voorstel voor het Gouden Boekje over historisch Willemstad. Het boekje verschijnt in 2027 als sluitstuk van een reeks over het UNESCO-werelderfgoed binnen het Koninkrijk der Nederlanden. De workshops worden georganiseerd in samenwerking met uitgeverij Rubinstein, het ministerie van Verkeer, Vervoer en Ruimtelijke Planning (VVRP) en Stichting Monumentenzorg Curaçao.

 Investeren in lokaal talent

Het betreft een workshop kinderboeken schrijven en een workshop kinderboeken illustreren. Vakgebieden waarin niet alleen creativiteit, maar ook specifieke kennis en vaardigheden een belangrijke rol spelen. Deelnemers leren hoe zij een verhaal of illustratief concept ontwikkelen dat aansluit bij de belevingswereld van kinderen, en krijgen gerichte feedback op hun werk.

“Ons erfgoed bestaat niet alleen uit gebouwen, maar ook uit de verhalen die daarbij horen. Juist daarom vinden we het belangrijk dat Curaçaose schrijvers en illustratoren de kans krijgen om het verhaal van Willemstad zelf te vertellen en te verbeelden. We hebben hier ontzettend veel creatief talent. Met deze workshops willen we dat talent niet alleen een podium bieden, maar ook de kans geven zich verder te ontwikkelen en nieuwe contacten te leggen. Of hun werk uiteindelijk in het Gouden Boekje verschijnt of niet, die ervaring nemen ze mee naar volgende projecten”, aldus Maghalie van der Bunt-George, directeur van Stichting Monumentenzorg Curaçao.

De workshops vormen daarnaast een voorbereiding op het indienen van een pitch voor het Gouden Boekje Willemstad. Na afloop kunnen deelnemers die dit wensen hun eigen voorstel indienen. Uit de inzendingen worden drie schrijfvoorstellen en drie illustratievoorstellen geselecteerd die als shortlist aan uitgeverij Rubinstein worden voorgelegd. De uitgeverij maakt vervolgens de definitieve keuze voor de auteur en illustrator van het boekje.

Voor de uiteindelijk geselecteerde makers biedt dit de mogelijkheid om hun werk professioneel te laten uitgeven. De verdere afspraken over de opdracht, publicatie en vergoeding, waaronder royalty’s, worden rechtstreeks met uitgeverij Rubinstein gemaakt.

 Leren van bekroonde kinderboekenmakers

De schrijfworkshop wordt verzorgd door Jan Paul Schutten, tweevoudig winnaar van de Gouden Griffel, een van de belangrijkste Nederlandse prijzen voor kinderliteratuur. Schutten staat bekend om zijn vermogen om complexe onderwerpen, waaronder geschiedenis en wetenschap, op een toegankelijke en boeiende manier aan kinderen over te brengen. Voor zijn boek ‘Kinderen van Amsterdam’, waarin de geschiedenis van een stad tot leven komt aan de hand van verhalen over kinderen, ontving hij in 2008 zijn eerste Gouden Griffel.

De illustratieworkshop staat onder leiding van Sanne te Loo, kinderboekenillustrator en auteur. Zij illustreerde tientallen kinderboeken en ontving voor haar prentenboek ‘Dit is voor jou’ een Zilveren Penseel. Haar werk kenmerkt zich door een verhalende beeldtaal waarin sfeer, karakter en detail samenkomen.

Beide workshopbegeleiders hebben eerder met uitgeverij Rubinstein samengewerkt aan Gouden Boekjes. Deelnemers krijgen daarmee de gelegenheid om rechtstreeks te leren van professionals die niet alleen hun sporen in de kinderboekenwereld hebben verdiend, maar ook vertrouwd zijn met de specifieke eisen van deze boekenreeks.

 Een Gouden Boekje voor Willemstad

De Gouden Boekjes ontstonden in 1942 in de Verenigde Staten en zijn sindsdien uitgegroeid tot een internationaal bekende kinderboekenreeks. De boekjes zijn herkenbaar aan hun gouden rug en combineren toegankelijke verhalen met kleurrijke illustraties. In Nederland worden ze sinds 2001 uitgegeven door uitgeverij Rubinstein.

In samenwerking met Stichting Werelderfgoed Nederland ontwikkelt Rubinstein een speciale reeks Gouden Boekjes over de dertien UNESCO-werelderfgoedlocaties binnen het Koninkrijk der Nederlanden. In 2027 verschijnen de laatste vier delen, waaronder het Gouden Boekje over Willemstad, dat de reeks zal afsluiten.

De historische binnenstad van Willemstad staat sinds 1997 op de Werelderfgoedlijst van UNESCO. De karakteristieke architectuur en de verhalen achter de gebouwen en straten bieden volop inspiratie voor een kinderboek. Door lokale schrijvers en illustratoren bij de totstandkoming te betrekken, willen de initiatiefnemers een verhaal laten ontstaan dat aansluit bij de leefwereld van kinderen op Curaçao en hen uitnodigt om met andere ogen naar hun eigen historische omgeving te kijken.

Het boekje moet niet alleen kennis over het gebouwde erfgoed overbrengen, maar ook bijdragen aan de waardering en trots die nodig zijn om dit erfgoed voor toekomstige generaties te behouden. Het zal verschijnen in het Papiamentu, Nederlands en Engels, met een bijbehorende lesbrief voor het onderwijs.

Willemstad Werelderfgoed

Het ministerie van Verkeer, Vervoer en Ruimtelijke Planning (VVRP) is als siteholder verantwoordelijk voor het UNESCO-werelderfgoed Willemstad. Voor Stichting Monumentenzorg Curaçao vormt het vergroten van de kennis over en waardering voor het gebouwde erfgoed een belangrijk onderdeel van haar statutaire doelstelling. Naast het behoud en de restauratie van monumenten zet de stichting zich daarom ook in voor bewustwording, educatie en onderzoek.

Het Gouden Boekje sluit aan bij eerdere initiatieven om de verhalen achter de monumenten van Willemstad voor een breed publiek toegankelijk te maken. Voorbeelden hiervan zijn het bekroonde digitale kinderboek Kucho den hanchinan di Otrobanda, de Architectural Walking Guides en het project waarbij monumentale gebouwen worden voorzien van QR-codes die toegang geven tot hun geschiedenis. Bij meerdere van deze projecten werkten Monumentenzorg en VVRP al eerder samen.

Vrij toegankelijk, maar niet vrijblijvend

Deelname aan de workshops is vrij toegankelijk en staat open voor inwoners van Curaçao die hun bestaande schrijf- of illustratievaardigheden verder willen ontwikkelen. De workshops vragen wel om een actieve inzet van de deelnemers. Zij worden geacht alle vier de bijeenkomsten bij te wonen, actief deel te nemen en ook buiten de bijeenkomsten aan opdrachten te werken.

Het aantal plaatsen is beperkt. Geïnteresseerden kunnen zich tot en met 12 november 2026 aanmelden via http://www.monumentenzorg.cw/gouden_boekje_willemstad/. De selectie vindt plaats op basis van motivatie en ingezonden schrijf- of illustratiewerk.

De workshops vinden plaats op 3, 4, 7 en 8 december 2026, telkens van 16.00 tot 20.30 uur, bij YouMeet Curaçao aan de Bargestraat 52–53 in Scharloo. Kandidaten kunnen zich aanmelden voor één van de twee workshops, aangezien deze gelijktijdig plaatsvinden.

Meer informatie:
Juliëtte Buddingh’
Manager Commercie – Stichting Monumentenzorg Curaçao
E. jbuddingh@monumentenzorg.cw
http://www.monumentenzorg.cw/gouden_boekje_willemstad