KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Presidente di Parlamento di Kòrsou, sr. Fergino Brownbill, a partisipá na reunion di direktiva di Parlatino

Parlamento di Kòrsou
Djabierne 13 di november 2026
Presidente di Parlamento di Kòrsou, sr. Fergino Brownbill, a partisipá na reunion di direktiva di Parlatino.
Panama djabièrnè 13 di november 2026, Presidente di Parlamento di Kòrsou, sr. Fergino Brownbill, den su kalidat di Visepresidente di Parlatino, a partisipá na e reunion di e ‘Junta Directiva’.
Durante e reunion a presentá un reforma pa e statutonan di e organisashon di Parlatino, pa asina por mehorá su funshonamentu. E reforma aki, huntu ku otro desishonnan formal lo tin ku keda ratifiká pa e Asamblea General, kual ta tuma lugá den luna di desèmber.
Otro tópiko ku a trata ta un kompromiso pa sostené akshonnan klimátiko den nos region. Parlatino komo plataforma pa representantenan di vários pueblo den Latino Amerika i Karibe, kier posishoná su mes mas sentral riba e tarima polítiko ku e meta di fortalesé e integrashon entre e diferente órganonan representativo di e region ku e ta representá. Pa logra esaki, a inisiá ku un trayekto pa por kompartí i analisá informashon. Esaki lo por fasilitá e diferente paisnan miembro den nan prosesonan di legislashon. Finalmente a inisiá kombersashonnan tokante ideanan pa usa e sede di forma mas efisiente.
Pa un órgano manera Parlamento di Kòrsou avansá, ta masha importante pa sigui invertí den koperashon riba nivel regional i internashonal. Den e kuadro ei, sr. Brownbill a hiba diferente kombersashon ku representantenan di vários pais di nos region.
639114718427035"
639114718427035"