KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Rekordatorio: Elekshon 2026 di Bùs Chikí i Mediano, Taksi i Toerwagen

Maneho di Gobernashon, Planifikashon i Servisio Públiko

 

Rekordatorio: Elekshon 2026 di Bùs Chikí i Mediano, Taksi i Toerwagen

Publiká riba 16 Novèmber 2026

Willemstad – Ministerio di Maneho di Gobernashon, Planifikashon i Servisio Públiko ta informá ku, djasabra 21 di novèmber 2026, di 9 or pa 1 or, na ofisina di Asuntunan Públiko (Kranshi), ta tuma lugá elekshon di representantenan pa:

  • Komishon di Bùs Chikí i Mediano
  • Komishon di Taksi
  • Komishon di Toerwagen

Tur persona ku ta postulá su mes komo kandidato pa un komishon mester entregá su kandidatura huntu ku un pasfoto resien pa mas tardá djarason 18 di novèmber 2026 pa 4’or di atardi serka hefe di Asuntunan Públiko òf su remplasante.

E formulario pa entregá kandidatura por ser tumá gratuitamente for di 26 di òktober 2026, entre 8 or i 3 or, na Asuntunan Públiko.

Kada kandidato pa:

  • Komishon di Bùs Chikí i Mediano, mester tin sosten di 25 otro doño di bùs ku pèrmit bálido
  • Komishon di Taksi, mester tin sosten di 10 otro doño di taksi ku pèrmit bálido
  • Komishon di Toerwagen, mester tin sosten di 3 otro doño di toerwagen ku pèrmit bálido

Kandidatonan mes mester firma e formulario pa demonstrá ku nan ta aseptá nan kandidatura.

Djarason 18 di novèmber 2026 pa 5’or di atardi Komishon Elektoral ta reuní den sala di matrimonio di Asuntunan Públiko (Casa Blanca) pa determiná balides di e kandidaturanan. Pa medio di lòt ta determiná komposishon di e listanan di kandidato pa e respektivo komishonnan.

Tur kandidato i públiko por ta presente.

 

639114718427035"
639114718427035"