Orashon djadumingu 2 di òktober 2016

P’esei mi ta rekordá bo riba e don di Dios ku bo a risibí dia mi a pone man riba bo; waya e don ei pa e bira un kandela aktivo den bo bida. Pasobra Dios no a duna nos un spiritu di kobardia, pero di poder, amor i dominio propio. Ke men, bo no mester tin bèrgwensa di testiguá na fabor di nos Señor òf di e echo ku ami ta prizonero pa su kousa. Al kontrario, aseptá, ku forsa di Dios, bo parti di e sufrimentu ku ta konsekuensia di predikamentu dje bon notisia. Tuma e palabranan ku bo a tende di mi komo ehèmpel di siñansa sano i sigui nan den e fe i amor ku nos tin, danki na Kristu-Hesus. Kuida e bon siñansa konfiá na bo, ku yudansa di Spiritu Santu ku ta biba den nos.

2 Timoteo 1:6‭-‬8‭, ‬13‭-‬14