Obra Publiko ta introdusi shelter permanente

Obra Publiko ta introdusi shelter permanente

Willemstad- Obra Públiko, komo organisashon di Ministerio di Tráfiko, Transporte i Planifikashon Urbano, a disidí pa keda mantené un shèlter struktural. Ta trata di e edifisio di St. Martinus College den Belverdere straat na Otrobanda.

Awor ku e peliger di orkan Matthew ta tras di lomba, a sera e otro shèlternan ku ta tin prepará pa eventual kasonan di akohida durante òf despues di mal tempu. Mayoria di e shèlternan ta fungi komo skol, loke ta nifiká ku djaluna e skolnan ei por habri normal.

E edifisio di St. Martinus College ta para bashí pa algun aña kaba. E ta den bon estado, situá bastante sentral i e ta fásil pa yega na dje. Obra Públiko ta bai mantené e edifisio na un manera ku na kualke momento ora ta nesesario, e por sirbi komo shèlter.