KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Trabounan na Grebbelinieweg ta kontinuá.

Trabounan na Grebbelinieweg ta kontinuá.

Willemstad – Minister Camelia-Römer huntu ku Servisio pa Obra Públiko ta anunsiá ku awor ta bai sigui ku mantenshon di Grebbelinieweg i besindario. E siguiente fase ku ta bai traha riba dje ta for di e rotònde chikí na Oosterbeekstraat te na e krusada na Grebbelinieweg. E trabounan aki ta sigui entrante djamars awor 11 di òktober.

Na momentu ku a kuminsá ku ehekushon di e trabounan di riolering a para e trabounan di mantenshon di Grebbelinieweg i besindario pa un tempu kòrtiku. Motibu di esaki tabata aspektonan di logístika i aksesibilidat di e área i prinsipalmente di e skolnan. Trabounan na e sistema di riolering ta kla i p’esei ta sigui ku e trabounan di mantenshon di e kaya mes.

Durante ehekushon di e proyekto, outomobilistanan mester hasi uso di rutanan di desviashon indiká via bòrchinan. Apesar di esaki, tur habitante lo por sali i yega nan kas. Durante ehekushon por tin molèster di zonido i stòf. Ta pidi habitantenan pa tene komprenshon ku esakinan i ta gradisí di antemano pa e kooperashon.

Ministerio di Tráfiko, Transporte i Planifikashon Urbano 392016

639114718427035"
639114718427035"