KRITERIANAN PA INTERESADONAN DI “BO KAS NA MIDÍ”

KRITERIANAN PA INTERESADONAN DI “BO KAS NA MIDÍ” – Ainda tin oportunidat pa suidadanonan inskribí nan mes pa bini na remarke pa un kas den e proyekto ‘Bo kas na bo Midí!’ na Sapaté. Por inskribí te ku dia 30 di novèmber 2016. 
Lista di kriteria:

– E persona mester ta registrá na Kranshi. 

– No ta pèrmití pa e persona tin mas kas òf tereno.

– E persona mester tin un dokumento di PSB Bank ku ta prueba ku e ta bin na remarke pa un hipotek.

– Entrada di e persona (i su esposo(a) òf partner ku ken e tin un akuerdo di ko-habitashon registrá na notario huntu), no ta mas ku ANG 3.500 bruto pa luna. 
Kontenido di proyekto:

E proyekto ‘Bo kas na bo Midí!’ na Sapaté ta konsistí inisialmente di 25 kasnan pagabel. E kas ta konsistí di un kamber, un baño, pasashi (gang), sala i komedor/ kushina. E kasnan aki ta brinda e posibilidat pa ekspandé ku dos kamber, un pasashi i un baño mas. Ora e kumpradó kumpra e kas, e ta risibié ku e fundeshi di e kas kompletu, pues ku e fundeshi kla pa ekspanshon, i ku e pèrmit nesesario (‘bouwvergunning’) pa sigui ku konstrukshon di e kas segun su forsa i deseo personal.  
Pa mas informashon, por yama Domeinbeheer na 0800-1919