Hensley Koeiman (MAN) ta den diskushon pa motibu di e grabashon di un reunión privá ku tabata tin entre Parlamentarionan i Cft. 

Hensley Koeiman (MAN) ta den diskushon pa motibu di e grabashon di un reunión privá ku tabata tin entre Parlamentarionan i Cft.

Den e kaso di grabashon aki, Amerigo Thodé (MFK) a graba e reunión, suministrá George Jamaloodin e grabashon i a publiká informashon ku no mester a sali den publisidat.

Kastigu den tipo di kasonan asinaki kaminda ku informashon durante enkuentro privá ta keda publiká, por ta 1 aña den prizòn òf 10.000 florin na but.  

Den Korte di Promé Instansia (Eerste Aanleg) Amerigo Thodé a risibí un kastigu kondishonal pa e hecho kastigabel aki. Na e momento aki e kaso ta den Hoger Beroep.

Algun luna pasá, Amerigo Thodé a entregá keho kontra di kuater kolega Parlamentario den e mes un kaso aki, pa motibu ku nan a ripití kontenido di e grabashon ku e a hasi. Entre e kuater personan aki, tin Hensley Koeiman. Amerigo Thodé ta di opinión ku si e risibí kastigu pa motibu ku el a graba, e otro parlamentarionan tambe mester risibí un kastigu pa motibu ku nan a reprodusí loke e a graba.

Durante di investigashon pa loke ta trata e kuater parlamentarionan, Landsrecherche a skucha (verhoor) tur kuater parlamentario. Hensley Koeiman mester a bai pa un segundo kombersashon serka Landsrecherche pa kaba di kontestá preguntanan ku tabata tin pendiente relashoná ku e kaso aki. E kombersashon aki a tuma lugá riba propio inisiativa di Hensley Koeiman riba djabièrnè 7 di òktober 2016.

Ministerio Publiko a informá ku ni Hensley Koeiman ni e tres otro parlamentarionan no ta sospechoso den e kaso aki. Landsrecherche ta bai kaba ku e dossier i lo hasi entregá di e dossier aki na fiskal. Fiskal na su turno ta bai wak kiko e ta hasi ku e kaso aki i lo tin ku tuma e desishon si ta bai konsiderá e kuater parlamentarionan aki komo sospechoso i si lo persiguí nan.

This site uses Akismet to reduce spam. Learn how your comment data is processed.

error: Content is protected !!
%d bloggers like this: