Proposishon pa kanselashon di reunion nan di Parlamento, di e siman di 16 pa 20 di mart 2020 relashoná ku pandemia di Coronavirus

Willemstad, 15 di mart 2020

 

Na Presidente di Parlamento

Señor W. Millerson

P/a Wilhelminaplein # 4

PRESENTE

 

Tópiko: Proposishon pa kanselashon di reunion nan di Parlamento, di e siman di 16 pa 20 di mart 2020 relashoná ku pandemia di Coronavirus

 

Señor Presidente,

 

Pa medio di esaki, frakshon di MFK ta aserka bo persona ku e petishon pa kanselá tur reunion den Parlamento programa pa e siman di 16 pa 20 di mart di aña 2020.

 

Den diferente di e reunion di e siman aki, Ministernan ku na e momentonan aki ta okupá ku pandemia di Coronavirus mester ta presente den Parlamento pa debatí ku Parlamento riba diferente tópiko ku ta di interes pa pueblo di Kòrsou.

 

Pa frakshon di MFK, salu di pueblo di Kòrsou ta na promé lugá i ta importante pa gabinete Rhuggenaath dediká tur nan tempu i atenshon pa evitá kualkier eskalashon di e vírus menshoná na Kòrsou.

 

Ta p’esei frakshon di MFK ta kere ku ta korekto pa suspendé e reunion nan den Parlamento pa e Ministernan por dediká tur atenshon, pa por tin e situashon di Coronavirus bou di kontrol.

 

Nos ta spera un kontesta positivo riba e proposishon aki di parti di presidente di Parlamento.

 

Atentamente,

Gilmar Pisas

Lider di frakshon pa MFK

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: