Curaçao All In One Living Fair 2019 ta kla pa ranka sali

Curaçao All In One Living Fair 2019 ta kla pa ranka sali

E fin di siman aki, dianan 01, 02 i 03 di novèmber lo tuma lugá e promé edishon di Curaçao All In One Living Fair 2019 na Wiltraco Building, Gosieweg no 9, pega ku Kraam Kliniek (Rio Canario).
Bo por haña un Free Scan serka Skenicash pa kada dia na entrada. Skolnan tin oportunidat di gana fl.2.500,-di e “Social Project”, e skolnan ta haña e voucher pa nan yena nan datos nan, pa gana i e alumno ta gana un baiskel, esaki ta e proyekto di “Giving Back to the Community” organisá pa Curaçao All In One Living Fair 2019.
Warda bo karchi di entrada i lo bo tin e oportunidat pa gana un Skuter Yamaha, nobo nobo na balor di fl. 9.000,–.
Apertura di e Fair lo ta riba djabièrnè 01 novèmber pa 5’or di atardi te ku 11’or di anochi, djasabra dia 02 novèmber tambe ta di 5’or pa 11’or di anochi i riba djadumingu 03 di novèmber lo habri for di 10’or di mainta te ku 8’or di anochi i lo klousura ku un agrupashon musikal.
Riba e dianan aki tin oportunidat di bishita mas ku 100 vendors, entre nan Home, Living, Health & Beauty, Merkado Lokal i e FoodTruck nan ku lo ta den kompetensia.
Pueblo di Kòrsou, famia kompleto ta keda invitá pa bishita e tres dianan aki di e tremendo Curaçao All In One Living Fair 2019 su promé edishon, kaminda tin oportunidat di haña informashon i hasi kompra mesora.