OM ta konfirmá ku Hensley Koeiman no ta sospechoso

OM ta konfirmá ku Hensley Koeiman no ta sospechoso
Bosero di Ministerio Públiko Norman E. Serphos a kaba di konfirmá ku Hensley Koeiman no ta sospechoso den e kaso di Amerigo Thodé. “Ni Koeiman ni e otro tres parlamentarionan kontra ken  Thodé a entregá un keho ta sospechoso”, Serphos a bisa.
Serphos a splika ku algun luna pasá Thodé a entregá un keho kontra kuater parlamentario pasó nan tambe a ripití loke el a graba i loke a pasa na Radio Mas. Thodé a haña kastigu kondishonal den e kaso akí ora wes a dikta ku el a graba un enkuentro privá i a publiká informashon ku no mester a sali den publisidat.
Thodé a entregá e keho pasó e ta di opinion ku si e haña kastigu pasó el a graba, e otronan tambe mester haña kastigu pasó nan a ripití e kontenido di e grabashon.
Anteriormente Landsrecherche e skucha tur e kuater parlamentarionan. Koeiman mester a bolbe bai pa un di dos kombersashon pero dor di elekshon e no a bai. Ayera e mes a tuma e inisiativa pa bai Landsrecherche pa kaba di kontestá e preguntanan ku tabatin relashoná ku e kaso.
Awor akí Landsrecherche ta bai kaba e dosié i lo entregá esaki na fiskal. Fiskal e ora ei ta bai wak kiko e ta hasi ku e kaso. E lo tin ku tuma e desishon si ta bai konsiderá e kuaternan komo sospechoso i si lo persiguí nan.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: