PARTIDO MAN TA GRADISI PUEBLO DI KORSOU PA SU SOSTEN NA PARTIDO MAN DURANTE ELEKSHON 

​PARTIDO MAN TA GRADISI PUEBLO DI KORSOU PA SU SOSTEN NA PARTIDO MAN DURANTE ELEKSHON 

WILLEMSTAD – Direktiva di Partido MAN huntu ku nos Lider Sr. Hensley Koeiman kier a gradisí e 12822 personanan ku a vota pa Partido MAN djarason pasá 5 di òktober 2016. 

Alabes nos ke felisitá pueblo di Kòrsou ku a sa di bai masalmente na e urnanan pa bai hasi uso di nan derechi di voto. Un dia ku a bai trankil sin insidente. Demokrasia a lusi, Kòrsou a kue su futuro den su MAN. Aki nos por bisa ku tabata tin un ganadó i esei ta Kòrsou!! 

Tambe nos ke felisitá tur e otro partidonan ku a saka asiento durante elekshon i nos ta hasi un apelashon riba nan pa nos pone diferensha un banda i ban traha huntu pa un mihó Kòrsou.

Durante e 2 último añanan Partido MAN a sa di tene kontakto ku nos hendenan den barionan di Kòrsou i asina tuma nota di e preokupashonnan eksistente i tambe loke ta biba den pueblo. Pa esaki nos tabata tin gran aseptashon di e diferente barionan ku nos a bishitá.
Pueblo di Kòrsou ku boso votonan bosnan a fortalesé e kompromiso ku MAN tin ku Kòrsou, esta pa nos tin un pais, prospero, sigur i liber di korupshon.
Na nòmber di Direktiva di Partido MAN ku nos Lider Sr. Hensley Koeiman
Atentamente

Franklin Angelista

2do Sekretario di Partido MAN

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: