ENNIA: Salú i felisidat sentral den seminario di PreventNow

Posted by

Salú i felisidat sentral den seminario di PreventNow

ENNIA ta presentá seminario PreventNow pa di 4 bia na Kòrsou.
Despues di tres seminario eksitoso na Kòrsou, dos na Aruba i unu na Sint Maarten, ENNIA ta organisá e di kuater edishon di e evento grátis akí na World Trade Center na Kòrsou. E aña aki e tema di PreventNow ta trata salu mental i fisiko, tantu pa e individuo komo komunidat.

Body & Mind
No por nenga e relashon entre kurpa i mente, pero kon nos mes por tuma responsabilidat pa un mihó balanse entre nan dos ainda pa hopi hende ta un desafio grandi. Ekspertonan lo mustra e partisipantenan den e seminario na un manera eksitante i aksesibel kon por manehá salú i felisidat. Ademas kon por haña e balanse perfekto entre kurpa i mente. Alimentashon, Obesitas i Diabetis; Inaktividat, Ehersisio fisiko i Fitness; Yoga, Konsientisashon i Meditashon, tur ta kosnan ku tin influensha dirèkt òf indirèkt riba nos bienestar i ku durante e seminario lo wordu trata.
P’esei e aña akí durante PreventNow e parti humano di prevenshon ta pará sentral ku e tòpiko: Health & Happiness through Body & Mind. ENNIA ta invitá tur hende kordialmente pa partisipá na e seminario PreventNow riba djabièrnè 21 di òktober di 1’or pa 8’or di anochi i / òf djasabra 22 di òktober di 8’or di mahinta pa 3’or di atardi.

Djabièrne mèrdia for di 1’or, oradónan lokal i internashonal lo enfoká riba e topiko di nos bienestar. Asina nos tin entre otro sr. Ashley Duits ku ta bin papia tokante “Achieving Healthy Aging”, sr. James Bagnola ta papia di “Using the mind/body connection to become a professional human being”, sr. Gilbert Martina, Senior Managing Director di ENNIA, lo elabora riba e posibilidatnan di “Healthy Minds for a Healthy Nation” i sr. Gabriel Mejia ku lo tene un presentashon tokante “Therapy of Love”. E último oradó akí a gana fama internashonal pa su empeño den rekuperashon moral di e siudat di Medellin (Colombia). Entretantu hopi otro siudat den Latinoamérika a sigui su ehèmpel.
Despues di un diversidat na oradó, for di mitar di 7 ta sigui e Exhibition ku partisipashon di mas ku 20 kompania/organisashon lokal. E kompanianan/organisashonnan lo tin demostrashon di nan produkto- i servisionan den kuadro di e tópiko. For di e mesun orario te ku 8’or lo tin tambe e Meet & Greet, un okashon sosial kaminda e oradónan ta interkambia ku e públiko presente i ta pone nan mes disponibel pa kontesta eventual preguntanan òf tene un kombersashon kòrtiku ku esun ku ta desea esaki.
Djasabra 22 di òktober for di 8’or di mahinta pa mitar di 1 di merdia tin diferente presentashon i tayer di trabou interaktivo, ku ta tuma lugá diferente bia i na diferente orario, di manera ku por sigui e tayer di trabou ku bo ta desea na e orario ku bo skohe. 10’or e Vendor Exhibition ta habri atrobe te ku 3’or. Pa e personanan ku ta desea di sigui e tayer di CrossFit of Yoga nos ta rekomenda pa bini ku panja komodo pa nan por move aden i un yoga mat pa hasi e ehersisionan.
PreventNow ta grátis i aksesibel pa tur hende, pero mester registrá adelantá si. Bo por inskribí pa partisipashon via ennia.com/preventie. Riba e wepsait aki bo ta haña e programa kompleto huntu ku informashon adishonal tokante e oradónan, e tayernan di trabou i exhibishonproducto di produkto. E kantidat di lugá ta limitá, ta konsehá pa reservá mas pronto posibel.

padre-gabriel

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.