OM ta investigá hefe di VDC  Michael Römer

​OM ta investigá hefe di VDC
Resientemente hefe di VDC sr. Michael Römer a keda di skòrs pa Minister di Hustisia sr. Nelson Navarro, pa motibu di un investigashon hudisial. Sr. Römer a keda nombrá pa sr. Gerrit Schotte komo hefe di VDC, na momentu ku sr. Schotte ku koperashon di sr. Elmer Wilsoe a kita sr. Edsel Gumbs for di e funshon ey. Sr. Wilsoe i sr. Römer ta famia tambe komo ku tanta di Michael Römer ta kasá ku sr. Elmer Wilsoe. E temporada enkuestion sr. Römer mester a perkurá pa tur hende pasa screening apesar ku VNA a duna konseho negativo di sigur shete minister di kabinete Schotte. Pues for di prinsipio e integridat di sr. Römer tabata den diskushon.

For di su nombramentu tabata hopi turbulento riba tereno di seguridat di nos pais. Varios instansia di seguridat internashonal, tambe AIVD (Algemene Inlichtingen- en Veiligheidsdienst) no ta dispuesto na traha ku Römer.

E investigashon ku ta andando tin di haber ku mal uso di poder di sr. Römer.

Relashoná ku un keho ku a keda entregá kontra di sr. Römer, OM a start un investigashon penal i a skucha kuater (4) testigu den e kaso aki.

Motibu di e keho ta menasa di un persona ku su arma di kandela.

Den su funshon komo hefe di VDC, OM por hasi uso di varios artikulo pa persiguí sr. Römer.

E investigashon ta kontinuá.
​​

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: