Polis a logra gara hòmber sunú ku a kaba di violá menor di edat

Posted by

​Aruba ta eksihí pa no lag’e mas den libertat!

Polis a logra gara hòmber sunú ku a kaba di violá menor di edat
ORANJESTAD: Awor si e kareda di biná di Antonio de los Santos-Lantigua a yega su fin! E di dos biaha mester ta esun ku ta bai pone e hòmber aki di 49 aña di edat, tras di trali pa semper.

   Un hòmber perverso kende apenas algun luna pasá tabata enkarselá pa un kaso di akto inmoral ku un menor di edat pa kual el a keda enkarselá na 2015 pa apenas 8 dia… a hañ’e Djaluna anochi den un monton di problema.

   Awor sí e ta detené i tur Agente Polisial ku a atendé e asuntu aki ta supliká Ministerio Publiko i tambe Hues Komisario, pa por fabor no laga e hòmber aki den libertat kondishonal mas. Esaki ta su di dos biaha ku e ta hañ’e envolví den akto similar.

   Aruba tambe ta pidi esey! Ban pone un paro na aktonan di pedofilia.

   Tur kos a kuminsá Djaluna anochi algu despues di 9:00 pm, momentu ku un patruya atento di Santa Cruz a topa ku un Hyundai i10 kolor blou ku number A-2161 moviendo di forma sospechoso for di riba Sero Cristal. Agentenan a duna e shofer señal pa para, pero e no a sigui e instrukshon aki i a kuminsá duna gasolin i alehá.

   Polis mesora a sigui su tras ku sirena i zwaailicht, i via radio a kuminsá pidi asistensia di demas unidatnan den area. Mesora un monton di Polis a aglomerá rumbo pa Piedra Plat, ku ta e lugá na unda e shofer tabata bayendo.

   Patruyanan dado momentu a stroba e shofer di sigui i e Hyundai i10 a bira i drenta riba e parkeerplaats privá di Centro Deportivo Franklin Bareño na e vèlt di Britania. Leu e no por a bai pasobra el a keda pegá i Polis a yega mesora riba dje.

   Pa nan sorpresa, tabata trata di un hòmber di 49 aña, pelon, kabei shinishi i kompletamente sunú tras di stuur. Na banda tabata tin un pober mucha muhé chikí, tur spantá.

   Agentenan no a laga e homber tuma ningun akshon mas, pasobra nan mes a habri e porta, sama e shofer perverso for di e vehikulo i a poné drumi plat riba su barika riba suela i a bui su mannan. Polis mesora a sospechá ku e hòmber a kaba di violá e mucha menor di edat riba Sero Cristal. Ainda e tabata tin kòndon poné na su parti intimo. Pa nan sorpresa, e mucha muhé tabata su propio yu di kriansa!

   E hòmber aki pa kolmo a keda arestá i detené na aña 2015, pa un akusashon similar. El a keda lagá den libertat despues di 8 dia, pasobra no tabatin prueba kontundente aña pasá.

   DIARIO a nota ku varios hende presente na Piedra Plat e momento ey a bira furioso di loke nan a mira. Un dama a relatá na DIARIO ku e tabatin hasta gana di zwaai un piedra i dal e hòmber aki ku ne. Loke el a mira a poné haña asko di e persona aki.

   E biaha aki, Aruba ta spera ku Ministerio Publiko i Hues Komisario mira bon kla ku e hòmber perverso aki a keda enkontrá ku man den mansa di manera ku nan NO lag’e mas den libertat.

   E hòmber perverso aki, a keda identifiká komo Rafael de los Santos-Lantigua, nasé dia 10 di Mei 1967 na Santo Domingo, Republica Dominicana. E ta mihó konosí komo “Antonio”i tin un adrès poné na Pos Chikito.

   Antonio tabatin antes un fruteria den Wilhelminastraat un tiki pariba di e Sportshop. Awor ultimo e ta traha na un Car-Rental lokal i por mir’e hopi na Tanki Leendert komo tambe na Aeropuerto. Tin indikashon ku e tabata ‘pastor’ tambe di un iglesia chikitu. Fuera di esey, hopi hende lo rekonosé Antonio ora e ta sali tur weekend bishitá bar i cocktail-lounge i ta buska tur forma pa basilá muhénan di un manera ku hopi muhé ta haña repudioso.

   Dikon e tabata su so ku e mucha Djaluna anochi? Esey Polis tin di investigá. Tin indikashon ku mas trempan, nan a mir’e huntu ku dos hende di edat avansá plus e mucha muhé chikitu den outo na un Gasoline Station. E lo a baha e dos ansianonan un kaminda, pa asina a bak kometé su fechoria ku e mucha.

  DIARIO ta felisitá tur Agente Polisial, prinsipalmente e patruya di Santa Cruz, ku a haci un trabou ekselente! Nan a pone Recherche i Fiskal na altura.

…Aruba ta spera ku Ministerio Publiko ni Hues Komisario laga e isla na kaya…. 

…Suplika pa NO laga e hòmber aki den libertat mas.


KORTESIA KORANT DIARIO ARUBA

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.