DIA MUNDIAL DI BISTA

Posted by

DIA MUNDIAL DI BISTA
Kralendijk – Tur di dos djaweps di luna di òktober ta Dia Mundial di Bista. Riba e dia aki nos ta para ketu riba prevenshon di malesanan di bista.
Ta un bon tempu pa komprometé e lucha ku un oudiensia grandi manera: famia di e personanan ku tin limitashon di bista, e personanan ku masha poko ta hasi kontròl di wowo, diabétiko nan, i pa pone atenshon na e dikon salú di wowo mester tin tur hende su atenshon.
E tema Mundial di e aña aki ta: “HUNTU NOS TA MAS FUERTE”.
Aki na Boneiru nos tin e Fundashon Kuido pa Bista i Oido (FKBO) ku pa 33 aña kaba ta guia, asistí i konsehá e personanan ku tin limitashon di nan bista i oido. E fundashon tei pa yuda tur e personanan aki ku nan servisio i produktonan. E aña aki FKBO a djòin e departamento di Salubridat Públiko di e Direktorado Komunidat i Kuido huntu ku diferente partner nan den e luna di salú.
E tema ku Fundashon Kuido pa Bista i Oido a skohe e aña aki ta ” Kapasidat pa Yuda Bo Mes” ku ta e tema di e luna di salú. No opstante esaki nos no mester lubidá riba e malesanan di katarata, diabétis i gloukoma.
E aña aki FKBO ta pone mas atenshon na e malesa aki dor di organisá un charla ku ta bai tuma lugá otro siman dia 20 di òktober pa 7or te ku 9or di anochi na Habitat.
Diputado enkargá ku Komunidat i Kuido i Salubridat Públiko sra. Nina den Heyer ta kontentu ku tin un bon koperashon di trabou entre Departamentu di Salubridat Públiko i Fundashon Kuido Pa Bista i Oido. Tur éksito ta posibel dor di traha huntu i solamente asina por tin kontinuashon pa éksito. Señora Den Heyer kier stimulá pueblo di Boneiru pa realisá ku un persona ku limitashon di bista tambe ta forma parti di nos komunidat. E persona ku limitashon di bista ke sinti ku ta balorá su persona komo parti di nos komunidat, dor di ofresé partisipashon igual i alabes pa hasi uso di su talentonan. P’esei diputado den Heyer ke rekordá ku e persona ku limitashon meresé igual oportunidat pa disfrutá di un kalidat di bida meskos ku un persona sin limitashon i ta enkurashá tambe tur esnan ku ta aportá tur dia na esaki, tantu famia, boluntarionan i tur profeshonal.
Finalmente diputado den Heyer ke hasi uso di e oportunidat pa pone atenshon spesial na e personanan ku un limitashon di bista riba nan dia i pa tur instansianan konserní sigui aportá na mantené bon kalidat di kuido i sosten na e grupo di enfoke aki ku tambe ta forma parti di nos komunidat.

un-world-sight-day

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.