Orashon djaweps 13 di òktober 2016

Kanta pa SEÑOR un kanto nobo: El a hasi milager; su man fuerte, su brasa santu a trese viktoria! SEÑOR a revelá su salbashon, su hustisia na tur pueblo, rekordando su amor i fieldat ku pueblo di Israel. Tur skina di mundu a mira viktoria di nos Dios! Kanta kontentu pa SEÑOR, henter mundu, grita, hubilá, kanta himno. Kanta himno pa SEÑOR, toka siter, toka siter, pik e kuèrdènan. Riba tono di kachu i tròmpèt hubilá Rei i SEÑOR. Laga laman i su rikesa alsa bos, mundu i tur su habitantenan; riunan tin ku bati man serunan uni tur huntu pa kanta gloria di SEÑOR, pasobra E ta yega pa dikta sentensia riba mundu. Mundu i nashonnan lo E husga ku derecho imparsial.
Salmo 98:1‭-‬9