Pronóstiko di tempu pa Kòrsou i bisindario bálido te djabièrnè mainta 06:00 o.l., 14 di òktober 2016.

Pronóstiko
Pronóstiko di tempu pa Kòrsou i bisindario bálido te djabièrnè mainta 06:00 o.l., 14 di òktober 2016.
Kompilá: Djaweps 13 di òktober 2016, 05:00 o.l. (09:00 UTC)
Tempu: Parsialmente nublá i durante oranan di mainta de bes en kuando hopi nubla ku chèns pa un of mas áwaseru lokal. No ta eksklui posibilidat di welek ku bos.
Temperatura máksimo lo alkansá 34ºC i temperatura mínimo, 26ºC.
Solo ta sali 06:25 i e lo baha 18:18 o.l.
Bientu: For di direkshon generalmente ost i moderá; forsa 3 te 4 (12 te 30 km/ora, 7 te 16 nudo). Prinsipalmente den dia, de bes en kuando basta fuerte; forsa 5 (31 te 39 km/ora, 17 te 21 nudo).
Situashon general: Un ola tropikal suak ku tabata awe marduga situa djis ost di nos region ta moviendo den direkshon wèst. Esaki lo alkansa nos region durante oranan di awe mainta. Ounke mayoria wer ku ta kompaña e sistema aki lo keda nort di nos isla, algun di e nubianan por pasa riba e isla i kousa algu di áwaseru lokal. No ta eksklui posibilidat di welek ku bos.
Kondishon di laman: Trankil te moderá ku altura di olanan entre di 0.5 i 1.5 meter (2 te 5 pia). Sinembargo presensia di orkan Nicole riba osean Atlántiko ta desaroyando resake solamente riba nos kostanan nort, ku altura di ola entre 1.0 pa 2.5 meter (3 pa 8 pia) durante próksimo 24 pa 48 ora. Un kódigo hel pa laman brutu riba nort lo por wordu implementa mas lat awe.
Sistemanan signifikante di wer tropikal: Orkan Nicole, mientras tantu a bira un siklon tropikal hopi peligroso di kategoria 4 kual ta menasando isla di Bermuda. Nicole tabata situá awe mainta riba Osean Atlántiko, sùitwèst di Bermuda. E orkan aki tabata moviendo pokopoko den direkshon nort nortost i no ta forma menasa pa nos region.

Fenómeno spesial: Ningun.
Pèrspektiva te djasabra mainta: Por lo general parsialmente nublá i lokalmente por kai un áwaseru di durashon kòrtiku.
Meteorólogo: Statia
E próksimo boletin di tempu lo wòrdu publiká djaweps 11:00 o.l. (15:00 UTC).