Wega di sòftbòl fast pitch klase AA 13 òktober 2016 na Frank Curiel ball park St. Maria. Vipers kontra Eagles Softex Klase AA

Posted by

curacao-softball

Tópiko: wega di sòftbòl fast pitch klase AA 13 òktober 2016 na Frank Curiel ball park St. Maria.
Vipers kontra Eagles Softex Klase AA
Wega di sòftbòl fast pitch bálido pa klase AA lo sigui mayan 13 di òktober 2016 na Frank Curiel ball park. Pa 19.00 e ekipo di Vipers ku Sandra Ursulita na kabes lo ta e ekipo di Eagles Softex ku ta bou di maneho di Thierry Goeloe. E dos ekiponan a topa otro kaba den e kampeonato aktual ku Eagles dominando den e serie den nan dos. Vipers ta un ekipo ku hopi hungadó hopi eksperensia ku tin e abilidat pa bòltu e wega na kualke momentu i but’é riba nan banda. Vipers tin 2 batido representá den e tòp 10 di e mihó batidónan den AA den persona di e hungadónan Ashantely Giterson ku un averahe di 0.375 i Ismairy Ignasio ku un averahe di 0.353. Eagles Softex di su banda tin un staf di picheo hóben i ku basta profundidat. Nan tin algun veterano den nan fila ku ta sòru p’e trankilidat ku mènèdjer Thierry Goeloe mester pa por garantisá ku su plan di wega ta kana manera e ta premirá. E wega ta primintí di bira interesante ya ku Vipers ta Sali pa nan buska e number di kas akosto di e ekipo ku a kaba di subi bek den AA. Un detaye interesante den esaki ta ku Vipers algun aña pasa e mes a kuminsá den klase A i a subi rápidamente pa AA despues ku nan a tèrminá e temporada invikto e tempu. Eagles Softex tin un istoria similar despues ku e la degradá 3 aña pasa pa klase A i a subi aña pasa bek pa AA práktikamente invikto den klase AA.
Pichingolo kontra St. Rosa AA.
E high light lo ta e wega entre Pichingolo ku St. Rosa Angels AA ku lo kuminsá 21.00. Ámbos ekipo tin un rivalidat ku otro ku a kuminsá for di e temporada di Hubenil 2015. Desde di e kampeonato hubenil, e dos organisashonnan a hunga e temporada AA 2015, Hubenil 2016 i awor e temporada fast pitch AA 2016 kontra di otro. St. Rosa den 2015 a kita e titulo kampeonil Hubenil i di AA for di Pichingolo. Pichingolo e aña aki a rekonkista e titulo Hubenil i ta desidido na rekonkistá e titulo AA tambe. Ku mira riba esei e organisashon a inbertí den reforsá su line up ku algun batido ku no ta respetá ningun tipo di picheo. E ta bria visibel tambe den nan sifranan ofensivo. Pichingolo tin 5 batido den e tòp 10 di mihó batido di e promé 4 siman di e temporada 2016.
Ta konosí ku St. Rosa di su banda ta dominá e wega chikí den su perfekshon. Nan ta buta e toke i pon’é preshon riba kualke kuadro kontrali ku nan wega den kua velosidat ta dominá. E ekipo den su totalidat ta kore hopi i nan tin un nanishi pa oportunidat ku ta buta nan koredó den posishon di anotá. E ekipo ta konta ku un kara nobo den persona di Kayleigh Adelina ku tin un bate ku por buta kos sosodé. Ta bai ferwagt hopi di e staf di picheo di St. Rosa ku Tedy Faneyt na kabes. Huntu ku Lyushka van het Kruys i Chantal Nepomuceno nan lo mester perkurá p’e milager di wanta e line up poderoso di Pichingolo. No ta imposibel. Nan a hasi e aña kai mes kaba. Dominando batido manera Julisse Koffi, Ciroendra Peloz i nan defensa a sa di neutralisá koredó manera Genevieve Hariquez. E pregunta ta ku nan lo por saka nan saka atrobe den e wega di 13 di òktober kontra nan rival Pichingolo.
No keda sin bin wak wega. Pichingolo ta mei wega riba St. Rosa riba e tabla di posishon ku 6 wega gana i 1 pèrdí kontra di 5 gana 1 pèrdí di St. Rosa. Pichingolo ta bin pa distansia su mes for di St. Rosa miéntras ku St. Rosa ta bin pa mantené nan mes den e race pa kaba mas haltu ku ta posibel den e kampeonato regular.

pichsta

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.