Un Hunta di Mucha (Raad van Kinderen) pa Ministerio di Desaroyo Ekonómiko / EEN RAAD VAN KINDEREN VOOR MEO

Un Hunta di Mucha (Raad van Kinderen) pa Ministerio di Desaroyo Ekonómiko

Willemstad- Ministerio di Desaroyo Ekonómiko ta kontentu di por konta ku un Hunta di Mucha (Raad van Kinderen). Djamars dia 4 di Òktober último minister demishonario pa e ministerio di Desaroyo Ekonómiko, Eugene Rhuggenaath, huntu ku miembronan di e tim di maneho di e ministerio a hasi un bishita na e muchanan aki pa asina presentá na nan e dilema ku nan lo mester investigá pa e ministerio den e dos lunanan benidero.

E Hunta di Mucha pa Ministerio di Desaroyo Ekonómiko ta konsistí di 29 alumno di grupo 7 di Fatima College . E inisiativa pa lanta un Hunta di Mucha a sali for di Unicef Ulanda huntu ku Missing Chapter Foundation. Aki na Kòrsou esakinan ta wòrdu representá dor di SIFMA (Sentro di Informashon i Formashon na Bienestar di Mucha). Meta di e Hunta di Mucha ta, pa duna e muchanan un bos den tomo di desishonnan awe, ku ta bai tin impakto riba nan futuro. Meskos ku un Hunta di Komisario i un Hunta di Supervishon, e Hunta di Mucha ta yuda pensa riba e futuro i e strategia di e organisashon. Dor di nan kompas moral, nan kapasidat di imaginashon, kreatividat i nan lógika e muchanan den e Hunta aki ta yuda hasi nos komo adulto mas skèrpi i ta trese solushonnan nobo pa e organisashon.
Pletterijweg 43 | Willemstad, Curaçao | T (+599 9) 462-1444 | F (+599 9) 462-7590 | http://www.gobiernu.cw
Ministerio di Desaroyo Ekonómiko ta kere firmemente den e talento i abilidatnan di nos hóbennan i ta netamente pa e motibu aki ta di sumo importansia pa envolví e hóbennan aki tambe den desishonnan ku ta trata e desaroyo ekonómiko di nos país.
Un dilema d ku e ministerio ta sintá kuné a wòrdu presentá na e Hunta di Mucha durante e bishita di e minister demishonario i su tim di maneho dia 4 di Òktober último. Durante e 2 lunan benidero e grupo lo bai hasi investigashon riba e dilema aki pa después presentá nan sugerensianan pa un solushon bèk serka e tim di maneho di Ministerio di Desaroyo Ekonómiko. E saki lo sosodé durante un seshon di diálogo. E muchanan mes huntu ku nan dosente lo mester disidí di ki forma nan ta duna kontenido na e investigashon aki.
Djabièrnè dia 7 di Òktober e Hunta a risibi un rekorido serka e pèrsonal di Ministerio di Desaroyo Ekonómiko. Durante e rekorido aki nan a risibi informashon general tokante e ministerio, informashon amplio di e diferente sektornan i tambe di algún di e organisashon i instansianan ku ta kai bou di e ministerio aki.
Ministerio di Desaroyo Ekonómiko ta sumamente kontentu ku su Hunta di Mucha. Ta trata aki di un grupo di mucha sumamente inteligente i briante, sin miedu di duna nan opinion tokante e tema ku a keda presentá na nan i hasi pregunta kaminda ku tabata nesesario. Ku masha entusiasmo Ministerio di Desaroyo Ekonómiko ta warda pa tende e idea i rekomendashonnan ku e hunta lo trese bèk después di nan investigashon.

EEN RAAD VAN KINDEREN VOOR MEO

Willemstad- Het ministerie van Economische Ontwikkeling (MEO) is blij dat ook zij gebruik kan maken van een Raad van Kinderen. Op dinsdag 4 oktober heeft de overigens: demissionair minister van Economische Ontwikkeling, Eugene Rhuggenaath samen met leden van het Management Team van MEO een bezoek gebracht aan de kinderen om hen het dilemma voor te leggen die ze de komende twee maanden gaan onderzoeken.

De Raad van Kinderen van MEO bestaat uit 29 leerlingen van groep 7 bij het Fatima College. De Raad van Kinderen is een initiatief van UNICEF Nederland en Missing Chapter Foundation(MCF). Op Curacao wordt de Raad van Kinderen vertegenwoordigd door SIFMA (Sentro di Informashon i Formashon na Bienestar di Mucha). Het doel van de Raad van Kinderen is om kinderen een stem te geven in de besluitvorming van vandaag, maar die ook impact heeft op hun toekomst. De Raad van Kinderen denkt net als de Raad van Commissarissen en Raad van Toezicht mee met de toekomst en strategie van een organisatie. Door hun morele kompas, verbeeldingskracht, creativiteit en logica zetten de kinderen volwassenen op scherp en dragen zij vernieuwde oplossingen aan. MEO gelooft in het talent en de vaardigheden van onze jeugd en vindt het van essentieel belang om hen hierdoor ook te betrekken bij beslissingen over de economische ontwikkeling van Curaçao.
De Raad van Kinderen kreeg een dilemma van het ministerie gepresenteerd tijdens de kennismaking op 4 oktober. Dit dilemma moet de groep voor de twee komende maanden gaan onderzoeken en hun bevindingen daarna komen presenteren aan het Management Team van MEO in een dialoogsessie. De kinderen beslissen zelf samen met hun docent hoe ze invulling geven aan het onderzoek.
Op vrijdag 7 oktober kreeg de Raad een rondleiding bij het ministerie waarbij ze uitgebreide informatie kregen van de verschillende sectoren van MEO en enkele stichtingen en organisaties die ook onder MEO vallen.
Het Ministerie van Economische Ontwikkeling is blij met haar Raad. Het gaat om een groep intelligente en uitgesproken kinderen die al snel hun mening geven over het onderwerp en die vragen durven te stellen bij onduidelijkheden. Het ministerie kijkt met belangstelling uit naar de aanbevelingen en ideeën waarmee de Raad van Kinderen zal komen na hun onderzoek.