Tiroteo ku varios detenshon

Tiroteo ku varios detenshon
Alrededor di djabièrnè 3or di marduga tabata tin un diskushon formal ku a tuma lugá den e kasnan di pueblo den Heidenstraat na Nort. E diskushon aki a keda siguí pa varios tiru.
Agentenan polisial di Nort, Oranjestad i Santa Cruz a akudí rapidamente na e sitio mientras ku agentenan di San Nicolas a keda pendiente.
Agentenan polisial a hasi detenshon di dos persona den Duartestraat mientras a konfiská un arma di kandela i un vehikulo.
Den Heidestraat agentenan a enkontrá kuater (4) huls den un kurá di kas, pero personanan den bisendario a tende sigur seis (6) tiru. Alabes a enkontrá un vehikulo ku perforashon di bala ku tambe a keda konfiská huntu ku un persona mas a keda detené.
E kaso aki ta den investigashon di manera ku por resolvé e problema ku tin den e bario aki i restablesé trankilidat pa e habitantenan.

This site uses Akismet to reduce spam. Learn how your comment data is processed.

%d bloggers like this: