Viktoria pa Eagles Softex i Pichingolo Nissan na Frank Curiel Ballpark
Viktoria pa Eagles Softex i Pichingolo Nissan na Frank Curiel Ballpark
Djawebs 13 oktober 2016 tabatin 2 wega balido pa femenino AA. Den e prome wega e ekipo di Vipers i Eagles Softex a enfrenta otro. Eagles Softex a gana e ekipo di Vipers ku score di 11 pa 3. Pa Eagles 11 kareda 12 hit i 3 eror. Picher ganador pa Eagles Softex a resulta Nashaira Bernardus ku a tira “one”hitter. Miho bate pa Eagles Softex a resulta Solange Soliana di 3-3. Pa Vipers 3 kareda 1 hit i 5 eror. Picher perdedo tabata Lisandra Ursulita i miho bate pa Vipers tabata Denaliz Adriana di 1-1.
Exaktamente 21:20 a start e klasiko entr Pichingolo Nissan i Santa Rosa Angels Vandis. Sta Rosa a Sali brabu den prome 2 inningnan anotando 3 kareda riba Lili Craanbreg. Pero Pichinglo ta reakshona mesora i empata e wega na 3 kareda den kabes di 3 inning, bolbe anota 2 kareda den kabes di 4 inning i 4 más den di 6 inning pa hasi e wega 9 pa 5. Lili Craanberg ku a a tambalia den prome inning a perta brasa tirando 4 inning blankeo pa Pichingolo Nissan i después den ultimo inning Arnalda Margarita a bin releva pero Starosa ta skor 2 kareda i no por a kaba e wega, Manager di Pichingolo a Sali i a duna Lili Craanberg e bala bek pa será e porta pa Pichingolo Nissan gana ku skor di 9 pa 5. P pichingolo 9 kareda, 10 hit i 2 eror.Picher ganador a resulta Lili Craanberg. Miho bate tabata Daynalisa Koeks di 2-2 Pa Starosa 5 kareda 3 hit i 2 eror, picher perdedo a resulta Suheydi “Tedy”Faneyt i na bate a resulta Suheydi Tedy Faneyt di 1-1.
Djabierne 14 oktober ta kandela na Buena vista Bp i tambe na Post 6. Na Buenavista den femenino klasse A, 19:00 Youngstars ta bin buska nan prome viktoria pa e temporada aki contra Pichingolo Nissan. Den di dos wega kuta un wega hopi kajente den maskulino lo bai entre e dos uniko ekiponan ku ta invikto te awor ku ta Dreamteam i Haarlem Power. Bin wak e tremendo weganan aki na Buenavista BP.
Na Post 6 tambe tin 2 tremendo wega djabierne 14 oktober, 19:00 e bataja pa klasifikashon den femenino klasse A ta bai entre Nos tei Office supply i Demolation Cartel N.V. I después 21:00 den maskulino e equipo Klasse Aparte ta Sali kontra Demolation pa wak kwa ta posishona nan mes miho riba e tabla pa klasifikashon.
