KOMUNIKADO DI KUERPO POLISIAL KÒRSOU Tópiko: Sospechoso di kiebro detené.

KOMUNIKADO DI KUERPO POLISIAL KÒRSOU
no.: 354 / 2016
Fecha: 16 òktober 2016
Tópiko: Sospechoso di kiebro detené.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
________________________________________

Djadumingu mardugá un unidat polisial a detené e hòmber E.A. nasé na Kòrsou, despues ku el a kibra drenta den tres kas den Samanaweg. Despues ku Sentral di Polis a risibí algun yamada, a dirigí un unidat den e kaya en kestion i durante di un investigashon ku no a dura largu, nan a logra pone man riba e sospechoso ku tabatin algun artíkulo ku el a kaba di hòrta den e kasnan, kla pa bai kuné. Despues di e a presentá E.A. dilanti di un fiskal ouksiliar, el a keda enkarselá pendiente di mas investigashon.