KOMUNIKADO DI KUERPO POLISIAL KÒRSOU Tópiko: Ilegalnan detené.Departamentu di Komunikashon i Prevenshon

komunikado-di-kuerpo-polisial-kc3b2rsou1.jpg

KOMUNIKADO DI KUERPO POLISIAL KÒRSOU
no.: 353 / 2016
Fecha: 16 òktober 2016
Tópiko: Ilegalnan detené.Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
________________________________________

Djasabra anochi alrededor di 22.30’or, un unidat polisial a detené un tres hòmber ku tabata permanesé ilegal riba nos isla. Ta trata di dos Venezolano i un Ekuatoriano. Ningun di nan tres tabatin pèrmit pa ta riba nos isla i a keda detené i hibá Barak, pendiente nan ekspulshon.

Djadumingu anochi alrededor di 12.00’or, Sentral di Polis a dirigí un unidat polisial pa Mina Scharbaai, pa un bringamentu. Na e sitio, e unidat a bin topa ku un hòmber i un dama di nashonalidat Venezolano ku tabatin problema ku otro. Debí ku ningun di dos tabatin dokumentu pa permanesé legal riba nos isla, a detené nan i hiba nan Barak, pendiente di nan deportashon for di nos isla.

Djadumingu mardugá alrededor di 04.55’or tabatin un aksidente di tráfiko riba Gosieweg. Den un di e vehíkulonan envolví den e dalmentu, tabatin un dama ku tabata keda di forma ilegal riba nos isla. E tambe a keda hibá Barak, pendiente di su deportashon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: