Un oportunidat di oro pa Kòrsou bria!

Posted by

Un oportunidat di oro pa Kòrsou bria!

Dianan 15, 16 i 17 di aprel 2017 ta reservá pa kompetensianan interesante di atletismo na Kòrsou ku partisipantenan den e representashon di paisnan den Karibe, manera Jamaica, Sürnam, Trinidad & Tobago, Bahamas, Barbados, Grenada, Martinique, Guadeloupe, St. Lucia, British Virgin Islands, St. Kitts Nevis, Bermuda, Dominica, Cayman Islands, Guyana, Anguilla,  Aruba, enfin aproksimadamente 26 pais partisipante i por lo ménos 600 deportista e weganan aki ta konta kuné. Ta e asina yamá Carifta Games, popularmente konosí komo e weganan olímpiko di Karibe! Ku Kòrsou siendo anfitrion di e tremendo evento aki, nos por traha nòmber i kai na smak di nos bishitantenan, anto ‘boost’ nos ekonomia maske ta pa e par di dianan di e “Games”! Hopi ta dependé di e preparashonnan hasí adelantá, promoshon efektivo di parti di Kòrsou den Karibe pa alsa e interes ku un grupo grandi lo disidí di bishitá nos isla pa presensiá Carifta Games 2017. Tin algun punto ku komunidat di Kòrsou kompletu mester tuma na serio i traha ku tur atenshon na dje i esei ta pa kuminsá nos estado di limpiesa i higiena. Kòrsou último añanan lamentablemente a tuma e tendensia over pa benta bòternan di plèstik di limonada, serbes, pakinan di djus, kùp i of  bakinan di foam, pero tambe sakunan di plèstik abou na suela. Tur e artefaktonan aki ta akumulá prinsipalmente na sitionan públiko i krea un imágen robes di nos pais, indikando komo si fuera un parti grandi di suidadanonan di e teritorio aki ta komportá hopi iresponsabel ku aspektonan di medioambiente i salubridat. Ta nifiká ku lo mester rùim òp e shushedat aki i alabes hasi konsiente ku lo no mester benta e shushinan aki na suela. Promoshon intensivo mester tuma lugá den korant, na radio, televishon, den teater i sine pa yama atenshon konstante pa e situashon aki di manera ku nos lo risibí nos bishitantenan ku un isla limpi i un kara atraktivo. Un otro punto di atenshon tambe di krusial importansia ta relashoná ku hospitalidat i bon servisio. Komunidat di Kòrsou en prinsipio ta kustumbrá di duna servisio, pero tin sentido pa na un okashon tan spesial manera ta e kaso ku Carifta Games sòru pa e servisio ta mihó di manera ku for di yegada atletanan no tin nodi di warda den reinan largu pa atendé ku duana i otro instansianan ofisial. Mas ku klaro ku servisio di hotèl, transporte i e sistema di duna informashon na nos bishitantenan lo ta optimal. Tin otro puntonan ku tin di haber ku e siguridat en general di turistanan ku ta bini Kòrsou spesialmente pa presensiá e gran evento aki, anto ku pueblo di un manera of otro mester duna un man pa yuda kuida tur ku ta di bishita aki, evitando kualke mal eksperensia den forma di problemanan innesesario. Carifta Games, edishon 2017, finalmente mester forma pa Kòrsou un evento deportivo ku nos ta komprometé kuné. Pueblo di Kòrsou kompletu mester para tras di Carifta Games i brasa e gran evento aki, hasi ku e edishon aki na Kòrsou ta bira inolvidabel! Meskos ku tabata e kaso na weganan olímpiko na Brazil (Rio de Janeiro) ku tabatin benta na gran eskala di souvernirs i rekuerdonan relashoná ku e weganan, aki tambe mester sòru pa artefaktonan ku ta sirbi den e promoshon di Kòrsou. Ademas ta lógiko ku durante e dianan di Carifta Games na Kòrsou, lo mester sòru pa krea ambiente den kaya, den nos sentro di suidat Punda, Otrobanda, área di Saliña i Santa Maria. Por ehèmpel, músika bibu di bandanan musikal, disk djòki, pero tambe presentashonnan spontáneo. Kaminda ta posibel djòin konsientemente ku e ambiente di Seú!!!!!!!!    
Erwin Raphaëla

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.