Pronóstiko di tempu pa Kòrsou i bisindario bálido te djamars mainta 06:00 o.l., 18 di òktober 2016.

Pronóstiko
Pronóstiko di tempu pa Kòrsou i bisindario bálido te djamars mainta 06:00 o.l., 18 di òktober 2016.
Kompilá: Djaluna 17 di òktober 2016, 05:00 o.l. (09:00 UTC)
Tempu: Parsialmente nublá, temporalmente hopi nublá ku chens pa algun áwaseru lokal.
Temperatura máksimo lo alkansá 33ºC i temperatura mínimo, 26ºC.
Solo ta sali 06:26 i e lo baha 18:16 o.l.
Bientu: For di direkshon entre ost i sùitost suak te moderá; forsa 2 te 4 (6 te 30 km/ora, 3 te 16 nudo). Espesialmente den dia òf den posibel áwaseru, de bes en kuando basta fuerte; forsa 5 (31 te 39 km/ora, 17 te 21 nudo). Djaluna anochi lo bientu baha poko.
Situashon general: Durante e próksimo 24 ora un disturbio suak na nivelnan mediano i mas haltu di atmósfera lo desaroyá riba e parti ost di Caribe. Esaki lo sòru pa humedat na nivelnan mas abou di atmósfera por bira sufisiente, pa okashoná momentonan ku mas nubia for di kua por kai un of mas áwaseru lokal. Mas aleu un ola tropikal suak a drenta region di Caribe ost i lo alkansá nos islanan djamars mardugá. Sinembargo mayoria wer ku ta kompaña e sistema aki lo pasa djamars nort di nos islanan. Na mes momentu bientu lo mengua un poko djaluna anochi i djamars.
Kondishon di laman: Trankil te moderá ku altura di olanan entre di 0.5 i 1.5 meter (2 te 5 pia). 
Sistemanan signifikante di wer tropikal: Orkan Nicole riba parti nort di Osean Atlántiko tabata moviendo den direkshon nortost. E sistema aki no ta forma menasa pa nos region.

Fenómeno spesial: Ningun.
Pèrspektiva te djarason mainta: Parsialmente nublá ku posibilidat pa algun áwaseru lokal.
Meteorólogo: Abraham.
E próksimo boletin di tempu lo wòrdu publiká djaluna mèrdia 12:00 o.l. (16:00 UTC).