​Dockendorff a kuminsá instalá dos porta di protekshon radiológiko na HNO 

​Dockendorff a kuminsá instalá dos porta di protekshon radiológiko na HNO 
WILLEMSTAD-  Kompania aleman eksperto, Dockendorff a kuminsá instalá dos porta di protekshon radiológiko i dos piesa pa preservá ventilashon. Ámbos produsí na Alemania. E instalashon di e porta lo sosodé den 2 fase, kada fase lo dura aproksimadamente 1 siman. Aktualmente ta den e promé fase na unda tur konsentrashon ta riba instalashon di e portanan; un tim formá dor di Ballast Nedam i USONA/Berenschot ta kordinando e trabounan na tereno di konstrukshon HNO. E proseso lo dura 2 siman pa kompletá. 
Trabounan di instalashon ta pisá; pa hiba e porta i e protekshon na e ubikashon final, mester hasi uzo di un kran pa baha ámbos di e piesanan i tur ekipo di instalashon. E kran ta pone e porta i protekshon di 2.5 ton kada un eksaktamente na e posishon di instalashon. Despues ta basha betòn. Unabes e portanan ta instalá nan lo tin un peso, inkluyendo betòn di aproksimadamente 19.5 ton kada un.
E portanan ta protehá e pashènt i personal laborando den e departamentu di radiologia kontra di e rayonan radiológiko. E portanan ta ekipá i ta respondé na tur rekisito ku un hospital moderno manera HNO tin mester. Asina por hasi menshon ku a tene kuenta, ku riesgo di interupshon di koriente- fásilmente e porta lo por wòrdu habrí ku man. 

Riba potrèt: E tim na HNO enkargá ku e instalashon ta konsistí di Wim Hoosemans,Bouwprojectmanager USONA; Norbert Balentina, Direktor Tékniko & Kwaliteitsinspecteur Bouwkundig USONA; Suleyman Son, Project Manager Ballast Nedam i Melvin Fraenk, Hoofd Uitvoerder Ballast Nedam.  Tambe, un impreshon di e  portanan i instalashon ku ta tumando lugar –i e hende nan envolví- pa instalá e portanan di protekshon radiológiko na HNO