Apertura di Kampionato Hubenil 2017 a tuma luga riba djasabra 7 yanuari 2017

Gran apertura Kampionato Hubenil 2017!

Djasabra 7 di yanuari, for di mainta te anochi na tereno di FFK!

Despues di dianan di fiesta ku ta tin tras di lomba, Kampionato Hubenil 2017 ta ranka sali den gran forma! E gran apertura aki lo tuma lugá mañan 7 di yanuari 2017 for di mainta ora ku mitar di 9 tur e klupnan reuní na e área di parkeo di e skol Emmanuel pa alrededor di 10 pa 9, nan kana bai tereno di FFK riba ritmo di 1 ‘brassband’. Na yegada di e timnan na tereno di FFK ta sigui e parti ofisial pa despues, 10or di mainta e promé wega di U-9 ranka sali i ta sigui te den ora nan di anochi ora ku e delaster partido di U-20 tuma lugá.
Skema di wega nan:
Djasabra 7 yanuari 2017 (APERTURA U9 – U11 – U13 – U15 – U20)

Stadion Tim di Kas Bishitante U-9 U-11 U-13 U-15 U-17 U-20

F.F.K Inter Willemstad A Sithoc/Marchena 10:00 – – – – –

F.F.K Victory Boys Atletiko Saliña A – 11:30 – – – –

F.F.K Excellence A Jong Holland – – 13:05 – – –

F.F.K Hubentud Fortuna New Song – – – – 14:45 –

F.F.K Inter Willemstad B UNDEBA – – – – 16:45 –

F.F.K Gemstones United Kura Piedra Jong Holland – – – – 18:45 –

F.F.K Hubentud Fortuna VESTA – – – – – 20:45

S.A.M. Jong Colombia Mahuma – – – – 16:30 –

S.A.M. Scherpenheuvel Victory Boys – – – – 18:30 –
E aña aki e kampionato hubenil lo konta ku un total di 29 klup ku lo partisipá ku diferente kategoria den kampionato A i B. E partidonan lo tuma lugá tur wikènt na diferente tereno rònt Kòrsou i lo ta kompletamente grátis. Pues e wikènt nan lo ta karga ku bon futbòl pa un i tur por disfrutá di dje.

FFK i MCB ta warda hinter e pueblo di Kòrsou pa asistí na e tremendo partidonan aki. Bin apoyá i sostené nos hóbennan, kendenan ta nos futuronan di mañan.

6 yanuari 2017