RELATO FIRMAMENTU DI REGISTRO DI KONDOLENSIA NA KONSULADO GENERAL DI HAITI.

RELATO FIRMAMENTU DI REGISTRO DI KONDOLENSIA NA KONSULADO GENERAL DI HAITI.

Willemstad – Djamars mainta 18 di òktober Promé Minister Dr. Bernard Whiteman a firma e registro di kondolensia pa e mas ku ocho shen víktimanan trágiko di e orkan Matthew ku a asotá a península parti sùit di Haiti, partikularmente e siudat Jérémie, riba djamars 4 di òktober. 
Esaki tabata e desaster natural mas grandi ku a asotá Haiti for di e temblor di yanüari 2010. 
Dia 7 di òktober Promé Minister  Whiteman a manda un karta di kondolensia pa e Presidente di Haiti S.E. Jocelerme Privert.
Promé Minister a ser risibí pa Kònsùl Adam Raymond i e demas ofisialnan konsular.