Aldair ‘Aldo’ Adamus studiante eksitoso na Merka
Aldair ‘Aldo’ Adamus studiante eksitoso na Merka
Aldair ‘Aldo’ Adamus forma parti di e promé grupo di studiantenan ku a bai Merka ku SSC Studia na Merka.
Aki na Kòrsou Aldair a bishitá Marnix College i Frater Aurelio SBO. Despues di un ‘showcase’ na Rif, el a risibí e oportunidat pa bai kontinuá su estudio na Merka, kaminda e por kombiná su deporte mas gustá, baseball, ku su estudio, na John Wood Community College.
Di John Wood Community College, Aldair a keda transladá pa Central Methodist University, kaminda ku el a kontinuá ku e deporte di baseball.
Durante temporada di primavera ‘spring’ ku ta tras di lomba, Central Methodist University Baseball a bira kampion di nan asina yamá Conference esta ‘ The Heart of America Athletic Conference’.
E organisashon THOAAC a hasi entrega di renchi di Kampion 2016 na e Conference. Pues e ekipo di Central Methodist University a risibí nan renchi di kampion 2016.
Riba e potrèt (meimei) por mira Aldair Adamus huntu ku dos otro miembro di e ekipo ta mustra nan renchi.
Un felisitashon na e ekipo di Central Methodist University ku e logro aki.