Rueda di prensa CSB djamars 1 November 2016 topiko: Playoff sòfbòl femenino i maskulino 2016 liga CSB/MCB
Playoff sòfbòl femenino i maskulino 2016 liga CSB/MCB
Djamars 1 november tabatin un rueda di prensa organisa pa federashon di softbol Korsou. Na prome luga direktiva a jama danki na Sra.Norma Carolina na kwa e kampionato 2016 a w ordu dedika. Segidamente tambe danki na tur e sponsornan manera FDOK i tambe MCB i por ultimo na tur e parkenan ku a pone nan fasilidatnan disponibel kwal ta Frank Curiel Ballpark, Stadion Post 6, Buenavista Ballpark, Sabana Ballpark i tambe Aishel Hooi Ballpark. I por ultimo e direktiva a jama danki na e medianan ku a karga ku e federashon i tambe tur e klupnan i nan fanatikonan.
Den e di dos parti di e rueda di prensa direktiva a presenta su Facebook page i a menshona ku lo bai update hopi informashon ku tin di haber ku softbol riba e page aki, i asta lo bai live ku par di wega di playoff.
Pa loke ta trata e playoffnan mes e luna di november aki lo ta karga ku weganan di playoff den klasse A, AA i maskulino. E teamnan ku a klasifika ta:
Femenino A : Soto CMTC
Demolition Cartel N.V
Nos tei Office Supply
Sta. Rosa Vanddis
Femenino AA : Pichingolo Nissan
Sta Rosa Vanddis
Eagles Softex
Maskulino : Suffisant Eagles
Dream team
Harlem Power
Klase Aparte
E weganan di playoff lo kumisa djawebs awor na Frank Curiel ballpark ku 2 partido den klase A, i despues tur sobra weganan den klasse A, AA i maskulino lo tuma luga na stadion di Post 6. Entrada pa e weganan di playoff lo ta 3 florin pa tur hende 12 anja bai ariba, i 1 florin pa 6 pa 11 anja. Djasabra 5 november lo tin un seremonia ofisial pa e weganan di playoffnan i e dia aki lo anunsia kampion baste, kampion picher i MVP di e kampionato regular. Sra. Norma Carolina lo ta esun ku lo ta presente na e seremenia ofisial.
Djadumingu 6 november lo tin un dia di famia ku 4 pa 5 wega di softbol den femenino i maskulino, riba e dia aki lo tin bonser pa mucha, suikerspin, grill i hopi kos mas pa fanatikonan por pasa un dia kompletu na stadion di post 6. CSB tambe a prepara un par di gimmik interesante pa fanatikonan ku premionan pa duna apresio na e sosten i e asistensia ku softbol a hanja e anja aki.