Komunikado di Kuerpo Polisia Aruba 3 di November 2016

CP a dirigí patruya di San Nicolas na un kas na San Nicolas, kaminda tabatin un señora di edat ku lo a sera su mes pafó di kas. 

Yegando na e sitio a konstatá ku enbèrdat esey tabata e kaso.

Patruya huntu ku un hòmber bisiña a logra saka algun shùter di bentana di kushina, pa por habri e porta en kuestion.

E kas a yena ku awa i tabata den kondishon ínaseptabel.

E señora tin 74 aña i ta biba su só.

Patruya a nota ku e señora tabatin síntománan di alzheimer. I ku tampoko e no tabatin nada di kome den eiskast.

E patruya a suponé ku lo e no ta kome.

A pone CVD na altura di e situashon, ku na su turno a pone e departamentu di yudansa na viktima ( slachtofferhulp) na altura dje situashon.

E kaso tin atenshon
=================
Na warda di polis a drenta informashon ku na un institushon, pa ta mas eksakto;” Ambiente Feliz”, un señora di edat a wòrdu lagá atras dor di 2 pèrsona ku tabata pasando eybanda.

Na e sitio, polis a konstatá ku tabata trata di un konosido pashènt di alzheimer, ku tabata biba poko mas aleu. I el a wòrdu hibá kas.

Na yegada na e kas na Santa Cruz, patruya a papia ku e kuñá di e señora, kuá a deklará, ku el a sali un ratu for di kas i a laga su kuñá na kas. Ora el a regresá, e no a haña su kuñá i el a pensa ku esaki lo a kana  bai direkshon di “dam”. Tur dos señora tin mas ku 70 aña di edat.

E patruya a hasi anotashon i pasa esaki pa e instansia social konserní.

CVD a wòrdu poné na altura di e situashon.
=================

CP a dirigí un patruya na”Ortho Clinic” na Caya Punta Brabo, kaminda lo tabatin un pèrsona drumí na suela.

Na e sitio a papia ku un señora, kende a deklará ku pa banda di 06:45, e lo a mira un hòmber deskonosí p’é, drumí dilanti di “Ortho Clinic”.

Ora ku el a bai pa habri e porta di e klinika ariba menshoná, e hòmber lo a kana bai den direkshon di dòkter. Ho-Kang-You. I enbèrdat a bin topa, patras di e ofisina di dòkter, un vagabundo drumí.

A papia  ku e konosido hòmber,

e vagabundo di nòmber Lloyd Lindor, pero solamente e tabata gruña i no por a komuniká bon.

A purba na saka afó kiko tabata su problema, pero sin resultado.

En todo kaso a mustré bin klá ku e no por a keda eynan i ku e mester a bai otro kaminda, leu for di e area turístiko.

Lloyd a kana bai den direkshon suitwèst.

CP a wòrdu poné na altura.
=================
Dia 3 di november 2016, pa 08:15 a yega na warda di polis, un sra *A*, pa hasi denunsia di ladronisia di un motorsaikel di r marka “zigma”, modèl 300.

Mirando ku e plachi di number, MTA-2212, kolor pretu/kòrá. Esaki a sosodé na sweelinckstraat.

A tuma deklarashon.

SCP a wòrdu poné na altura di e kaso.
=================
Patruya di San Nicolas a bai Savaneta pa un kaso di kiebro.

Na e sitio, e sra *L*, a hasi denunsia di robo.

E señora a bin pa yuda e doño ku trabou di limpiesa i a hasi denunsia pa e señora *H*.

E  bibienda tabata un “vakantiehuis” kantu di playa.

Mas lat e propietaria *H* mes a bèl warda di polis.

Patruya a bolbe bai na e bibienda, kaminda e señora *H* a deklará ku un hòmber deskonosí p’e a yega na e parti wèst di e kas.

E hòmber a suponé ku e señora lo a mir’é i el a kana bai.

E señora *H*  lo a kana bai su tras pa puntr’é ta kiko e tabatin mester.

E hòmber a kana bai den direkshon wést.

E hòmber ta di kolor skur, bistí kubun kamisa blou manga largu i un djins. I e tabatin un man deformá.

Bisiñanan a bisa *H* ku e hòmber ta biba na Savaneta i ku ta

un kap ku kuchú el a yega di haña na su man.

E hòmber aki ta kometé hopi kiebro na Savaneta.

Mas lat *H*lo a bolbe bèl warda di polis i deklará ku ta un hòmber di nòmber *S* i ku e ta biba den area di Hotèl Roys.

A tuma e deklarashon i pasa esaki pa departamentu di reshèrshe na San Nicolas.
=================
Durante kontròl na pia, na altura di “Royal Plaza”, na entrada di marshe, polisnan a topa ku e vagabundo, Rodriguez, kende tabata molestiándo turistanan.

A hala su atenshon tokante di su komportashon i a mand’é bai for di e sitio.
=================
SCP a dirigí patruya na Wulfsen & Wulfsen na Caya G.F. Betico Croes pa un kaso di kiebro.

Na yegada a papia ku e mènedjer di e negoshi di nòmber *M*.

El a deklará ku dia 3 di november último pa banda di 01:15, el a wòrdu poné na altura dor di e pèrsonal di ” Smart System”, ku e akarma di su edifisio a aktivá.

Mas despues *M* ta yama “Smart System” bék pa bisa nan ku e edifisio tabata intakto.

Riba mesun fecha pa banda di 10:00, trahadornn den konstrukshon a pone *M* na altura ku deskonosi (nan), a fòrsa e kozein di e bentana na parti robes di e edifisio.
=================
SCP a dirigí patruya na un bibienda na Bubali pa un intento di ladronisia.

Na e sitio a papia ku e señora di nòmber *L*, ku ta doño di e bibienda ariba menshoná.

Riba 3 di november último, *L* a wòrdu poné na altura dor di un di e pèrsonanan ku ta hür, ku un hòmber deskonosí lo a purba di ranka kabel for di bou di tera pa bai kun’é.

Ta trata aki di kabel di koper 4×16 mm balorá na 800,-, ku ta pasa nèt bou di tera dilanti di e bibienda.

E malhechor a wòrdu pará dor di e hürdó, di manera ku e no por a ranka e kabel bai kun’é.

Keho di e intento aki a wòrdu tumá.

SCP a wòrdu poné na altura.
=================
Polisnan, durante kontról den e area di Boonchi Strenastraat a duna shòfur di e sigma 100-T, ku plachi di number MFA-2212, un señal pa para, mirando ku ambos pèrsona no tabatin hèlmu di protekshon bistí.

Mas despues a puntra e shòfur pa su reibeweis i dokumentonan di e motorsaikel. A kontrolá e shòfur di nòmber *M.J*, kende no tabatin ni dokumento ni hèlmu huntu kun’é.

E motorsaikel sigma 100-T a wòrdu konfiská i hibá Balashi..

*M.J* a deklará ku e motorsaikel ta dibun tal *J* ku ta biba na Sero Patrishi.

E tin ku bin mustra su papel di identifikashon.

SCP a wòrdu poné na altura.
=================
SCP a dirigí patruya na San Nicolas pa un kaso di sospecho di venenamentu di kachó.

Na e sitio a papia ku e doño di e kachó, señora *C*.

*C* a deklará ku e anochi promé, pa banda di 22:00, e lo a mira e kachó ainda i ku e tabata bon bon di salut.

Pa mainta, banda di 07:00, *C* a ripará manchanan di sanger rònt den kurá.

E patruya a konstatá ku enbèrdat tabatin manchanan di sanger den kurá.

Tambe nan a mira ku tabatin sanger na e snuit di e kachó.

*C* ta sospechá ku ta bisiñanan lo a venen’é, mirando ku e kachó tabata mará den kurá patras pero pegá ku e muraya di e bisiña.

E patruya a konsehá *C* pa hiba e kachó dòkter di bestia pa kontrolá si enbèrdat el a wòrdu venená.

A pone SCP i CVD na altura di e kaso.
=================
Durante patruyahe, polisnan, na altura di Salinja Serca 31-C, a sinti un holor fuerte di Marihuana ku lo mester tabata sali for di un auto Toyota Corolla bèrdè, numerá A-4881.

E outo tabata kore dilanti di e polisnan riba e kaya asfaltá sin nòmber, ku ta dirigí na Sali ñ Serca.

A duna e shòfur òrdu pa para i a aserká e outo. 

E shòfur, e hòmber, *R.E.K*, a deklará ku enbèrdat e tabatin un “stick” di Marihuana den outo, un mulina i tambe un sakito ku Marihuana.

A listra e outo i a tuma e merkansía den beslag.

A papia seriamente ku *R.E.K.* i el a mustra komprenshon.

Na warda di polis di Shaba a destruí e droga.
=================