LEI DI DEURWAARDER

Na: Presidente di Parlamento di Kòrsou

Señor W. Millerson

Wilhelminaplein # 4

PRESENTE

 

Kòrsou, 18 febrüari 2020

 

Apresiabel Señor Millerson, 

 

Pa medio di e karta aki, hasiendo uso di artíkulo 96 di reglamentu di órden 

di Parlamento, mi ke pidi bo persona pa dirigí e karta athunto na mr. Minister Quincy Girigorie enkargá ku Hustisia, ku pregunta ku mi persona ta hasi na e minister konserní.

 

Danki pa e koperashon.

 

Atentamente,

 

___________________                 

Juniël Carolina

Miembro di Parlamento

Frakshon di MFK

 

---

Na Minister di Hustisia

Señor mr. Quincy Girigorie

Whilhelminaplein # 4

 

PRESENTE

 

Willemstad, 18 febrüari 2020

 

Tópiko: LEI DI DEURWAARDER.

 

Apresiabel señor minister Girigorie,

 

Pa medio di esaki, suskrito Juniël R, Carolina, miembro di parlamento di Kòrsou, ta aserká Bo persona konforme artíkulo 96 di Reglamento di Órden, ku siguiente pregunta i prekupashon.

 

Parlamento di Kòrsou dia 18 di òktober di aña 2019, a duna aprobashon na e lei di deurwaarder.  E lei aki, ta pa e deurwaarder por hasi su trabou konforme lei i na su bienestar!

 

Frakshon di MFK, ta lamentá, ku awe eksaktamente 4 luna despues, ainda Bo persona no a sòru, pa laga publiká e lei, p’asina e por drenta na vigor. Esaki ta otro muestra, ku Bo (so) gobièrnu NO ta respetá parlamentu i tampoko Su desishon(nan) tumá.

 

Pregunta:

 

1. Ki dia porfin señor minister ta laga publiká E lei di deurwaarder?

 

Frakshon di MFK, ta urgí Bo persona pa den 3 x 24 ora, sòru pa e publikashon di e lei ariba menshoná.

 

Suskrito ta spera, ku Bo persona ta hasi esaki, i ta keda,

 

Atentamente,

 

—————————-

Juniël R. Carolina

Miembro di parlamento pa Frakshon di MFK

Selular: 562-6501