Komunikado di Aqualectra riba e problema ku tin aktualmente ku koriente 7 november 2016

​KOMUNIKADO DI PRENSA
E kalor di último dianan ta pone ku e demanda di koriente ta fuera di normal den e temporada aki. 
—————————————————————————————-
Un demanda di koriente fuera di normal den e temporada aki ku ta pone un preshon enorme riba e mashinnan di produkshon di koriente ku konsekuensia ku koriente a kai afó awe komo 3 bes.

Den kareda di 12 or di mèrdia un mashin i produkshon di koriente na Dokweg II a kai afó i pa algun minüt despues un otro mashin na mesun Dokweg II a kai afó, ku konsekuensha ku algun aria a keda sin koriente. Pa 25 minüt pasá di 12 a start e mashinnan bèk i a duna e ariannan koriente. Ni mei ora despues un mashin na e planta di Dokweg I a kai afó pone ku esnan ku a pèrdè e promé bes a bolbe pèrdè.

Pa mitar di 3 a pone e mashinnan bèk riba e ret di koriente, pero den un frakshon di sekònde, e frekuensia a baha pone ku algun bario a bolbe pèrdè koriente. Téknikonan a keda monitòr e situashon i pa banda di 15.45 a duna e barionan koriente atrobe.

E demanda di koriente den nos ora di pik ta fuera di normal den e temporada aki ku ta pone un preshon enorme riba nos mashinnan di produkshon. E demanda di koriente ku tabatin awe no ta un ku ni den e lunanan ku ta mas kalor ku ta ougùstùs/ sèptèmber a yega e altura di awe. 

Por spera un situashon di skarsedat awe den oranan mas lat anochi na momentu ku e demanda ta den su pik i si un mashin kai afó manera awe den dia.

Ta nifiká ku tin chèns ku e arianan ku den dia a pèrdè awe lo por pèrdè atrobe. Ora un mashin kai afó, esaki ta sosodé inesperá i e sistema di seguridat den e ret di koriente ta kita koriente di e arianan ku ta den e skema segun e sekuensia outomátikamente.

>>>E arianan ku lo por pèrdè koriente komo esnan promé riba e skema ku ta un parti di Julianadorp,Groot Piscadera, Juan Domingu, Savaan,parti di Sta.Maria, Nrd. Roozendaa,l Buena Vista,Seru Dòmi, Habaai, Cas Cora, Sta. Rosa, Seru Lora , Abrahams, Toni Kuchi ,Barbuquet, Mahaai, Jonchi, Saturnustraat, Girouette, aria Sun Valley, Schelpwijk i Gosieweg i besindario,Kintjan i besindario, Vredenwebrg, Dominguitu Koraalspecht, Janwe te Janthiel, Bottelier ,Zeelandia, un parti Montaña Langleven , Koraal Partier, te Sta. Catharina ,Weto te Oude Water

P’esei ta hasi un apelashon na komunidat pa uza menos koriente o uz’é di un forma mas efisiente durante próksimo dianan. 

Pa mas informashon semper por yama 0800-0135, pero tene kuenta ku e liña por ta dòbel okupá. Sea asina bon pa tene pasenshi i yama di nobo. Ademas por haña informashon riba nos página di Facebook Aqualectra Utility ora tin situashon di skarsedat di koriente .

Aqualectra di antemano, ta gradisí pa e komprenshon i ta pidi diskulpa pa e inkumbenensha ku e situashon di koriente di último dianan i ta spera ku e situashon lo keda stabil .

This site uses Akismet to reduce spam. Learn how your comment data is processed.

%d bloggers like this: