BOLETIN SPESIAL No. 3, ALERTA PA WELEK KU BOS SEVERO

DIA EMITÍ:  DJAMARS, 8 DI NOVÈMBER 2016, 2:30 O.L.
BÁLIDO TE: DJAMARS, 8 DI NOVÈMBER 2016, 06:00 O.L.

ESAKI TA UN ALERTA PA WELEK KU BOS SEVERO PA PARTI PABOU DI KÒRSOU

*****IMÁGEN DI SATÉLITE I RADAR TA MUSTRA ÁREA DI WELEK KU BOS SEVERO KU POR TA UN MENASA PA SIERTO PARTI DI KÒRSOU*****

• Áwaseru fuerte ku por kousa inundashon i/òf derumbe di tera i baranka den sierto parti di e isla;
• Bientu fuerte ku por pone ophetonan lòs bira un proyektil;
• Área bou di e nubianan di welek ku bos por ser kompañá pa bahamentu fuerte di aire. E bientu fuerte aki por kousa lokalmente sierto destrukshon riba su ruta;
• Welek.

MEDIDA DI PREKOUSHON:

• Mara ophetonan ku ta lòs pafó i pone bo mes i bo bestianan di kas den seguridat
• No usa un depósito chikitu ni palunan aislá pa skonde.
• No pasa dor di kayanan òf áreanan inundá, kaminda awa ta kuri.
• Sali for di boto i alehá bo mes for di awa, si esei ta posibel.
• Saka stèker di aparatonan elektróniko afó i no hasi uso di esakinan durante di un evento di welek ku bos. Usa telefon solamente den kaso di emergensia.

Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular.

Un Alerta pa Mal Tempu ta un anunsio ku ta ser emití ora ku mal tempu (wer ku por kousa daño personal òf material) kousá dor di welek ku bos severo ta bai sosodé pronto (denter di dos ora) òf ta sosodiendo kaba, pero ku no ta sufisiente severo pa rekerí un atvertensha.